ما اعرفه ماعرفني واعرفه ويعرفني=جيتلي به لزوم وهو يباني لزوم
قلت في نفسي الرجال جيت ولزمني=خابر لي محابل شبًكوها رخوم
يوم دار التفاهم و أعذله ويعذلني=با نت أشياء مهمه من شوارد علوم
أكمل الواجب بحسب النظام وفهمني=شافني رقم ما يهمل بوسط الرقوم
كان جامل لاسم جدي وكيد احترمني=وان بغا له رسن قضب الرسن مايدوم
هو بذهنه تدور اوهام دارت بذهني=ما تلاقت هواجسنا بحرها طموم
حط بين السطور نقاط تشفير ضمني=واستعنت بعناصر في خلاف محسوم
مع مقامي نهض واقف يون وخزرني=وده يهدًي المشهد و طيرٍه يحوم
ياحليل الظروف أحيان سكر وسمني =في كنفها تيسًر شيء كان معدوم