السلام عليكم ورحمة الله وبركاته
يالله إنك تحيي كلن باسمه ..
كيف حالكم جميعا ؟ إن شاء الله تكونوا بخير ..
طبقنا اليوم تلبية لطب أخوي أبن مصاول في موضوعي السابق .
أعجبه هذا الطبق
وكان يظن إنه بيض مقلقل .. لكن هو بالأصل خبزة بر على الصاج مقطعة عليها كشنة طمام .
وصراحة بيض مقلقل اول مرة أسمع فيه !!
اعرف بيض مسلوق مقلي شكشوكة عيون عجة ..
لكن فيه طريقة نصلحها أتوقع إنها اللي يقصدها أخوي ابن مصاول ..
فقلت انزلها لكم ا لعل وعسى تكون هي ..
المقادير :
بيض مخفوق .
بصل .
بندورة ( انا البندورة الحمرا مزروعة بين الخضرة تاكل مني لــ تشبع وتصير خدوك حمرا وتصير خدودك حمرا ) هذي خارج النص متأثرة باناشيد الأطفال ههههههههه
فلفل بارد .
ملح كمون فلفل اسود .
الطريقة :
نحمي زيت على نار عالية ونضيف عليه البيض بدون تحريك ونتركة لين يجمد ونشوف إن الأطراف بدت تحمر .
ثم نبدأ نقلب فيه لين يتقطع ويتحمر اكثر .
نضيف البصل والفلفل الأخضر ونحركه
نضيف الطماطم والبهارات ونحركه لين ينشف عصير الطماط ثم نطفي النار .
وبكذا يكون جاهز .
اللي جوعان يحشى له صمون ويعطينا رايه .
وصحة وعافية على قلوبكم ..
فإن كان هذا هو مقلقل البيض
فنحمد الله جت على ما انتمنى
من أبن مصاول جزل التقاييم ( طرار ويتشرط هههههههه )
وإن كانت هذي وصفة ثانية فأتمنى ان اكون قدمت مايرضيكم وأضفت شيء جديد لمنتدانا العزيز ...
&
&
&
هذا الطبق اهداء لخالتي الغالية " أم المـــ درة ـــوازين "
هذا الجريش بطريقتها الله يحفظها ..
مخرج :
بعض البشر عادي تزوّر حقايق ..!!..
والطيب في هالوقت محدٍ يطيقه ..
بيني وبين الحظ مليون عايق ..!!
متى اشوف الحظ يلمع بريقه ..
ياصاحبي محتاج منك دقإآايق ..!!..
ابيك تعرف داخل القلب ضيقه ..
تحياتي لكم
نـــــ المشاعر ــــزف