والله أني تعبت وحالتي في خطر = ضاق صدري وانا ماعاد فيني جهد
يوم حظي تردى مالي الا الصبر = ماترجيت حظي قام ولا قعد
الزمان يتقلب فوق بطن وظهر = كل ما قلت هانت قال باقي بعد
أن تبعته مصيبه وان تركته قهر = صار ضدي وضغطي مرتفع ما ركد
لين ضاعت حياتي كلبوها هدر = يازمان التعاسه ما سلم منك أحد
كيف ألقيه وجهي ويغدربي غدر = كنه اللي يهدد ويتوعد وعد
ماعرفت السعاده فيه طول العمر = كان غيري تريّح عيشتي في نكد
يانصيبي علامك صرت علّة نحر = الخطاء لوحسبته منك ماله عدد
بس ابقول كلمة حق بالمختصر = دام هذا نصيبي علّموا من نشد
فيه جمله تحتها حط خطن حمر = لازم آقولها واخذو عليّه عهد
ودي أحط لحزاني بصدري قبر = أقفل الباب عنها وأغلقه للأبد