بسم الله الرحمن الرحيم

جملة معاني

يافكــر لاتبخــل بزيـــنات الاشــعــار = خــلـك عـلى الـهــقوات ومزارق الطيب
اسهـر مـع الهاجس ليا وقـت الاسحار=وتطـلع عـلي الشمـس مهموم وتـغيب
وحـلو القـوافي جـات من كل الاقــطار= يسـمع صداها ميت الـقلـب ويــطـيب
(جـمـلـة معـاني)غـاليـات(ن)بـالاسعار = تعبـت وراهـا اقـلام عكـف الاشـانيــب
ابوي ياربعي بعيدين الانظار= (متروك بن صالح) وعمي (تراحيب)
و(خـالي حمد وعـبيـد)الاثنــين شـعار= من غير نقص(ن) فالرجال وعذاريب
هم عزوتي لاصار فالوقت ماصار=اهل الوفا والنايبه والمواجيب
ماحد(ن)يعرف من الملا خاف الاقدار = سبحانه اللي يعلم السر والغيب
عشر اسنوت(ن)بين الاجناب صبار= من شبتي حتى غزا راسي الشيب
والصبح شفـت القاف نـاوي بمـشوار = يبــغى الهــدد ويسـن روس المـخـالـيب
سئـلـت قـــافي ويــن يانـجل الاحـرار = قــال الــوعد مــانخــلفه عنــدنا عيــب
(الاد عاقل)بادي(ن)بينهم شار = توحدو بالراي في راي(ن)مصيب
قلت العفو ياقاف ماهاذي اخبار =مالك ومال مصاليات اللواهيب
ربعي(بني عقّال)و(العزوه مطار= وقت االلقا مثل السيوفٍ المحاديب
موحدين الراي من عصر الاحجار =قبل المهلهل وابن زيدون وكليب
مابيننا مخطي ولابيننا ثار= ولابيننا وقفة حقوق ومطاليب
يديننا وحده سوا كبار وصغار= نشفق على الاطفال ونقدر الشيب
النار ماتوقد على خضر الاشجار =والذيب ياهل العرف ماياكل الذيب
نمشي على نهج الصحابه والاخيار= واجداننا عاشو وماتو على الطيب

الشاعر/عبدالرحمن العقيلي