من جديد - محمد عامر بن نيف
(( النــــــــــــاس ))
ما لي وما للناس يا ليل الاوناس=جاهل ودورات الزمن علمتني
أبا اترك دروب البشر والزم الساس =ارهقت ناسي بالعنا وارهقتني
أنا على طعن النحر ميّت احساس=مير الثعالي خوّنت واغدرتني
إي والله إني صرت مرهف وحساس=هالمرة الطعنة قفــا واوجعتني
ماني محارب من يحارب بلا راس=مِشقي ومَشقي وارهق الحمل متني
واللي براسي ميّـله .. ما هو نعاس=غيبوبةٍ مرت خفا واشربتني
ما عاد أبي غير المفاكك من الناس=مدري بليت الناس والا بلتني
*********