سلام يابرقٍ سرا وقــــت الاظلام = برقٍ سرا والعــــــين قامت تخيله

مدري صحيح البرق والابالاوهام = والاحلوم الليــــــــل صارت وسيله

صحيت من نومي وفسرت الاحلام = وطرا علي ابو العــــــــيون الكحيله

وناديت يابرق الحيا روح قـــــــدام = لاتمطر الا يم ناقـــــض جــــديله

حتى يجيلي عـــــــذرلاسقت الاقدام = واقول درب الخير كلٍ يجــــــيله

واشوف من جاني على شوفه هيام = الصاحب اللي ما يزبّن دخـــــــيله

يازين لاتحكم علينا بالاعــــــــدام = اعطف على اللي منك روحه عليله

وانظرلمنهو ساهر الطرف مانام = تجري به الاقــــــــــدار يومٍ وليله

ياما صبرت مــــن الليالي والايام = ويا ما صبرت من السنين الطويله

للصبر حد وكــــــــلنا دم وعظام = والحل عندك يالهنوف الجميله

مانقبل التعذيب في دين الاسلام = ولا ننتظر مـــــد اليدين البخيله

لو طالت المده وجارنّ الاحكام = اجنب المترديه والهـــــــــزيله

وانا الذي عانيت لي عدة اعوام = من صدت الغالين روحي عليله

في غربتي هم وتعاذيب واوهام = الله يعـــــــــين اللي مفارق خليله