السلام عليكم ورحمة الله وبركاته
انقل لكم قصيده للشاعر والمخترع
محمد عامر بن نيف المطيري
اترككم مع القصيده
الله علـى نـو انطحتـه هبـوبه=حتى تلاحق مقدمـه مـع تواليـه
عنه الرياح العاصفـات امحجوبـه=لين استهان ولج صوت الرعد فيـه
مظلـم شمالـه مدلهـم جنـوبـه=كالليـل الاسـود ذايبـات مثانيـه
ارزم وبراقـه غـدالـه شبـوبـه=يجلي دجاء الظلماء تعاقب تواشيـه
تنـزاع يبـاس المعاليـق صوبـه=يسحر ويأسر كـل عيـن تراعيـه
وتطري النفوس اليابسات الشحوبه=ريحه ثرى قفـر هميلـه يساقيـه
نو طراته عنـد مـن رحبـوا بـه=وتباشروا في نشيته مـن مناشيـه
ماقول غير اهني ناس حظـوا بـه=واهني فرقان مشـت فـي فيافيـه
يزهون قفر عقب سيله رعـوا بـه=وضاف الربيع بزاهي العشب كاسيه
ريح الخزامى والنفل في دعو بـه=نسنـاس إيجيبـه والاخـر يوديـه
اتمنى نالت إعجابكم