يستحق المدح والثنا من لاذ في كنافهما هذه القصيدة المتواضعة اهداء مني لمن يستحقها اهدا مني للانسان الذي وقف وقفات مشرفة لا يقفها إلا من كان اهل لذلك هذه القصيده مهداه الي اخي / عوض بن سرور البدراني الحربي ارجوا ان يقبلها وتقبلوها كما هي:
ما كل من سمي بمنصور منصور =ولا كل من سمي محمد محمد
ولا كل رجال(ن) على الطيب مجبور=ولا كل كسر(ن) با الجبيره يضمد
ولا كل من يفعل نقول انت مصطور =كم واحد(ن)يفعل وهو ما تعمد
والبور خل البور يا زراع البور=البور بور البور نار(ن)توّمد
من رافق العميان يرضى على العور=ومن رافق الرديان ناره تخمد
امور ثم امور وومور وومور=خلت حكيم الراي فكره يجمد
لكن يابن اسرور بيرقك منشور =على الطويلة ضافي(ن)ومتعمّد
من روس قوم(ن) تحكم الراي والشور=تاريخهم من ماضي الوقت ممد
وافي ومن وافي ولك شبح وشبور=ترقى سنود الجرح غيرك تضمد
انا اشهد انك لصعيبات دكتور =دكتور عين الي صبيه مرمد
من لا ذبك من لا هب الوقت والجور =كبر وصلى ثم هلل وحمد
دستور ياهل الطيب دستور دستور=ادعو عساء ناره سنا ما ترمد
عوض عوض في قمة(ن)طورها طور=صميدعي نبراس ضرغام مصمد
ولاهو من سمي بمنصور منصور =ولاهو من سمي محمد محمد