وادي الفيض
بقلم أحمد رشاد
نهر حزني على راس القلم يقطر
صحاري والعمر دفتر
جرى سيل وكسر سدنا
معد ينفع يلو عدنا
ترى طير السعد وكر
من بعدها ولا فرفر
يا هل بعدك على حلقي جما الخنجر
طبق سنتين وآني اننطر
عسن بالعيد ونشوفك
تران نصير لك مجند
سلاسل فضة بسيوفك
يهل وجهك خبز أسمر
صباح العيد مابيّن ولا نوّر
شبه مفطوم بس يشلع
تراني على صدك
طريح فراش جاتلني
عطش تموز مايروى
وبرد كانون بس يقرص
حسافة غيمنا عاجر
شجرنا مات بالحسرة
ولا حتى الغصن أزهر
يهل عطرك مثل ريح الهل واشهى
ومثل وضح الدلال فاحت
راتمى القمقوم عالموقد
بجى المحماس من كتّر
علامك شايل الماشة
تلقط من جمر قلبي
مصبك بالهوى يكرم
اشتهيت نذوق لك شفة
رفعت الكف للدلة
ارتمى الفنجان واتكسّر
يهل صوتك رزيز حجول
توالي الليل فززني
شكثر منك شفت قسوة ولا ترحم
عليّ بالحيل ياظالم
يدوم الدوم تاذيني و لاترأف
جما الليمون
من خوفي انقطع قلبي
وانت سكين على الجنبين حززني
عليّ دحق بعينك
طفت ناري
أمان قوم بس وزني
يهل حجيك مثل دفتر شعر عذري
على حروفه طغى حسنك
اشكثر ما خذ غوى منك
اشقد تباهي بيك رسمو
اشقد رسمتك
رحت عني و لااندلك
صرت ورّاد عالشاطي
أصابح كل شمس تطلع
عاساني التقى بظلك
أدوّر الدنيا وأسألها
عجب ربنا خلق مثلك
يهل أسمك عذب ميه
فراتي والهوى غربي
النهر والسور والقلعة
تقاسمتم نبض قلبي
اشبقى لي عاد من حالي
توالي عين رمدانة
وبقايا روح مجروحة
عليلة ودوم مرضانة
صحيح الغربي لينسم
يهيض حروح ملتمة
وصحيح الشمس ليغابت
تساوى العين والظلمة
وصحيح إنك علي قاسي
طمعتي بيك بس ضمة
بعدها شما ردت سويّ
ترى دنيايّ ماتسوى
بحسبتي وياك بس ضمة
ياوادي الفيض ما تدري
على الزينين حسرتنا
ياوادى الفيض وان طالت
مدى الأيام غربتنا