قصيده بعنوان (حراً طلع ذكره وباين هداده) لشاعرفارس بن مقحم الميزاني
كُتب : [ 13 - 02 - 09
- 08:12 PM ]
يانايف أدن البوك وكتب مكاتيب= واكتب على بيض الورق بالركاده
أكتب برفق و عذب البيت تعذيب= من خوف لايلحق علينا نقاده
وأركب على الي ناجحاً بالتجاريب= توه ورد فالمملكه من بلاده
صدامه اسود والكفرات تركيب = ومزوداً له عن اخوانه ازياده
عنده حماد البعد مثل اللاعابيب= ضد السناد اليا تدارق حماده
وده لبو فيصل طويل الأشانيب= حراً طلع ذكره وباين هداده
إبن لفاء نطاح كل المواجيب= جزام عزماً قوياً ازناده
حراً ولد حراً امحنك على الطيب= كل المراجل جابها بإجتهاده
راعي صخى جزل العطى والمواهيب= يعرف بطيبه مايباله شهاده
ونا ذكرته لي لزوم و مطاليب= اهوه و مثله حاسبينه اسناده
هو ضل من هبت عليه الملاهيب= نزبن اليا جتنا السمايم براده
يافهيد وقتاً حطنا في المخاليب = وعلق ايديني في سلاسل اشداده
وقتاً يقلبنا على العسر تقليب= إجاهده وازريت إوالي جهاده
خلاني امشي فوق سبت العراقيب= وأرقد على البيداء بليا وساده
واليوم ابا فزعتك يامنقع الطيب= يامزبن الي وصلاً حد ماده
ياريف من ضاقت عليه المحاظيب= الطيب من طبعك ولك فيه عاده
اباامدح الطيب ولابه ذواريب = والطيب يمدح به قوي الاراده
والاالردي مافيه شكًٍ ولاريب= مابه ذرى معروف قشعة عراده
ماينطح الواجب قصير الاطانيب= لو بلبصت ناره تعود رماده
|