رد: أبـعـد مــن نـجـوم الـثـريـا مـحـلـي..~
كُتب : [ 22 - 05 - 11
- 01:23 PM ]
مدخل ::
فينا الكرم والطيب مع كل نوماس
مطير وقت اللازمه مايغيبون
حماية الخايف لياجاه هوجاس
ينسى هواجيسه ويمشي على الهون
السلام عليكم ورحمة الله وبركاته
اسعد الله اوقاتكم بكل خير وجعل الله ايامكم كلها سعاده
من خلال هذا الموضوع اهنئ ادارتنا الكريمه والحكيمه
ممثلها باخوي ابن مصاول واخواني واخواتي الاعضاء والعضوات
بمرور 4 سنوات على منتديات الموازين منتديات النخبه
التي وضعت بصماتها المميزه والراقيه وتغطياتها الحصريه خلال فتره قصيره على الشبكه العنكبوتيه بكل تفرد وابداع
وبهذي المناسبه جبت لكم مفطح كامدخل للموضوع
حياكم الله..
ترى هذا المفطح مو مفطح حلا نجد قسم قسمات
بصراحه هذا مفطح حلا نجد اخذته من المنتدى وتسلم ايدها
ومن خلال هذا الموضوع اقول لها اشتقنا لك وينك ياعسل
بعد المفطح جا الحلى << حلفت لتحلون بعد المفطح ههههههههه
وهذا الحلى هو موضوعنا الاساسي
نخوش بالموضوع على طووول..~
المقادير:
3 كاس حليب بودرة
3 علب قشطة
1 زبدة (200 جرام)
1 كاس سكر
4 بيضات
2 م ص باكنج باودر
1 م ص فانيليا
بسكويت شاي
الطريقه::
نحمر الحليب وهذا هو شكله بعد التحمير بعد ماصفيناه
نضيف له الباكنج بودر
تسيح الزبدة ثم تخلط مع البيض والفانيليا
نضيف السكر
نخلطهم مع بعض
نضيف له القشطه
ونخلطهم مع بعض
نضيف له الحليب والباكنج بودر
ونخلطهم مع بعض
نضع نصف الخليط في صينيه مدهونه
بعدين نرص عليه بسكويت الشاي
نضيف على البسكويت نصف الخلطه الباقي
وندخلها الفرن على درجة حراره 250 لمدة 20 دقيقه
شكلها بعد ماطلعت من الفرن
وتشوفون اختباري لها هي استوت او لا بسكين او باعوداد شوي
لتزيين لوز مبشور وبودرة كاكاو او اللي انتم تحبون
شكلها بعد التزيين
تصوير عن قرب حتى تشوفون الطبقات
وبالعافيه عليكم..وعذروني على القصور  مخرج::
قصيرنا مايشتكي ضيم ووناس
نرفى خماله مايجي شك وظنون
اهل فعول مالها عد وقياس
يوم القبايل بين طاعن ومطعون
|
|