ياسلام الله علي اللي بذ حيلي بالرسايل=بس مدري كم باقيله رساله ماكتبها
ادري انه شاعر(ن) فالمنتدى سوا الهوايل=بس انا ناري ليا ولعتها محد(ن) قربها

مرحبا باللي تجاهل بالرسايل والمسايل = كم رساله منه جتني مار اشوفه ماحسبها
الدليله يالدجيما مايضيع مع الدلايل = شب نارك وانتبه لاتصير من تالي حطبها

البقا وانا بعيده هقوتي والشك زايل=مير بعض الناس تبغا نكبتي والله نكبها
فيه ناسن(ن) ماسرت فالليل وتضيع القوايل=والعقارب سمها في راسها ولاذنبها

سرها واللي معك ضاري على سج الاصايل = هد شحنت نفسك اللي ماعرفنا وش سببها
لبسوك الناس بشت وثوب وعقال متمايل = وانت ماعندك مهر والبنت تتعب من خطبها

سجها وانا معي زند(ن) يولع فالفتايل=الدجيما مابقي فالارض اصيله ماركبها
مالبست الا لباس المرجله والراس طايل=وانت تكبر لحيتك لاكن مايكبر شنبها

انت زندك مايبرد عنك زايدة الغلايل = لو مدحت النفس باقيلك شوي وتستحبها
انت اضنك من هوات البل معبست الشمايل = مار لو ضويتها ماتاجد اللي تحتبلها

لاتخليني عليك اضحك عيال الحمايل=الفهيم اللي ليا وصوه بو صاتن قضبها
وانت تاكلك مطباتن كبر ضلعان حايل=مره اتناطح نحور القوم ومرار اتعقبها

الحقيقه ضحكهم على مضوين الهزايل = كل واحد يلتفت في لقمته واللي تربها
والله اني كنت اضن بخير ياسود المخايل = المخايل فرقت ماذاق ماها من طلبها

ان بغينا نشتري ونبيع بسلوم القبايل=ماتوفق راعي السلعه ليامنه جلبها
ولا لقيت الا البعير اللي عليه الحمل مايل=والنياق اللي على الجره مكسرها جربها

روحت ياعلي مافيها نصيب ولا عقايل = سلعت الفقران يخسر سوقها واللي كسبها
البعير شعيل ماهمه محلبت العدايل = والنياق الله يبارك فيك قلي من عربها