السلام عليكم ورحمة الله وبركاته
تستاهل النوماس والطيب ياسعود=شاعر.. وطن ..تفخر بفعلك قبايل
شاعر وطن.. معروف وحروفك جنود=بإسم الوطن جندت عذب المثايل
يشهد لك الإبداع والعالم شهود=يقبل حضورك مثل غر المخايل
الأول الأول وتستاهل الزود=للمجد تسعى والفعايل دلايل
لاهنت يابن مطير يامنبت الجود=بالفعل و الا بالبيوت الجزايل
لك ماقفِ مابين قاصد ومقصود=يوم القبايل تدحم بالرسايل
أخذت من تاريخ فيصل وصاهود=اخذت من هم قو عزم وخصايل
تاريخهم في صفحة المجد موجود=تاريخهم مشهود طيب وفعايل
وحنا مطير ليا اشتعل كل بارود=قاموا عيال مطير فوق الأصايل
دون الوطن ..نعمي نظر كل مقرود=اليا طمع بالدار ..مخطي وعايل
اقولها ياسعود والفعل مشهود=وقفات حمران النواظر صمايل
| تنبيه : |
 القصيدة للشاعر عبدالله العقيلي |
نقلته لكم بقايا شوق