الحمدلله وكفى
والصلاة والسلام على المختار المصطفى
مساجله بيني وبين
اخي الشاعر / سعد بن سعدي العصيمي,,,
وين الطريق اللي يودي على بقيق
اللي وراء خط الحسى والهفوفي
اللي يتباعد كل ماشفته الضيق
وانسى مشاويره لو انها كلوفي
ماهمني مبهذل جميع المخاليق
لو يرصد فلاشه عليا الوفي
دام اتجاهي صوب ديرة مطاليق
اللي تقدر غيبتي مع ظروفي
سعد يامشكا خاطري بالطواريق
سعد ولد سعدي نصتك الحروفي
وش حيلة المشتاق لانشف الريق
يبكي ويمسح دمعته بالكفوفي
اول غرامي منهجن للعشاشيق
يوم الهوى صافي غرامه لهوفي
واليوم صدق عاذلي بالتلافيق
واصبح بحالي مرتن مايروفي
الهم ياعتيبي مطوقني تطويق
متى نشوف الزين كامل وصوفي
واصبح على شط الخبر كل ماافيق
واملى عيوني بالنظر منه شوفي
** الشاعر / سعد العصيمي ***
حييت ياقافن على هاتفي سيق
من صاحبن قلبي لذكره شغوفي
راشد سليل اهل الوجيه المطاليق
حمر النواظرمكرمين الضيوفي
مطير مفتاح الفرج ساعة الضيق
سيفن على روس العدى مايروفي
يابومناور كان للعلم توثيق
سلم خطابك والطريق معروفي
وارقا بها ياصاح رووس الشواهيق
مادمت لدروب العلا ماتعوفي
وانا معك لو تعتلي هامة طويق
على يمينك حاضرن بالسيوفي
كلمة وفا ماهي دعايه وتلفيق
عهدن علي وراعي العهد يوفي
سقها على دربن يشوق السواويق
يم الغرام اللي طريقه كلوفي
على طريق الزين سيد الغرانيق
راع العيون السود زين الوصوفي
ولايمنعك ساهر بكثر التباريق
كنك للمبات الردي ماتشوفي