من قصائد الشاعر سعد سلطان الرخيمي
قصيدة لا تلخو من الفكاهة والطرفة وقد قالها شاعرنا صاحب الذود وعاشق الإبل عندما اشترى له (بكرة) وكانت على
عكس ما قاله عنها صاحبها الذي مدحها بما ليس فيها!!
عسى تحنين مـن مخبـاط هنديـة
مع طلعة الشمس يقعد لك على ركبه
يقعد لك اللي نعـده سبـر مركيـه
ذيبان سبع الخلا مادرهمـت ركبـه
يعطيك مشطين هذي من ورى ذيـه
رمية عطب ماتبيـن منـك يدركبـه
لا نتي منيحـه ولا صفـرا عمانيـه
ومثلك مراحن تجينـه ما نتباركبـه
حطيت قدمك ثلاث حيـاض ممليـه
وحوشن كبيرن نبا الحرشا تفركبـه
وأثرك ما نتي بحرشـا بنـت جنيـه
تاكل وترمح وحتى الحبـل تبركبـه
بك غشني واحدن كنه مـن الهيـه
الله لايجـزاه خيـر ولا يباركـبـه
شفته وقلت أجودي هذا علـى نيـه
من أهل الخير واثر بليـس مرتكبـه
تشبهـت باهـل الديـن الحراميـه
مـع الأجاويـد تاكلبـه وتضحكبـه
انا اشهد اني حريص من الشريطيـه
لكن الأجواد ماتسلـم مـن النكبـه