يا الله حييهم الطيبين كلن باسمه
يا سعود زانت بالمطر طلعـة البـر***حدد لنا يـا طيـب الفـال مكشـات
شفي على الشعبان والروض الأخضر***وجـوا تجمّلـه المـزون الثقيـلات
الروض في {ليلى} به العشب مزهر***منظر طبيعي ما أخلتـط مزهريـات
وريح الخزاما ب{المتاهه} لهـا سـر***فيه أم سالم غردت عذب الاصـوات
في خايعا فيه النظـر منطلـق حـر***أشب ضوي وأنتهز حلـو الأوقـات
وأزل بدلالـي مـن البـن الأشقـر***فنجال يغدي ما براسي مـن أهـات
ونجلس نسولف والمشاعـر تجمهـر***أرشاد وألغـازا وحلـوات الأبيـات
والصيد يطبخ والمشاوي على الجمر***وغبوقنا عقـب العشـا در خلفـات
هذي حلات البر يـا عاشـق البـر***بعيد عـن جـو البلـد والعمـارات
يا سعود رد العلـم لا تخفـي السـر***يا زين جو البر في كـل الاوقـات
اخليـــــــــــــــــكم مع الصــــــــــــــــــــــــــــــور
منقول