عبدالله الميزاني
قول يالعازمي والعلم فيه وفيه
لا تهد البيوت ولا تطوّيها
لو تصلي على الميت متى تحييه
والموازين جاها من بناخيها
حبيب العازمي
بيّن العلم واسموع العرب توحيه
قبل لا اقوم اعقّلها واثنّيها
كل حي ٍ يموت ويبعثه باريه
والموازين تصغي لي وانا اصغيها
عبدالله الميزاني
شي شفت اوله ينعاف من تاليه
والعوازم نظرها مثل اذانيها
وش ورا قوم موسى واربعين التيه
لا تجينا بقاله ما انت راعيها
حبيب العازمي
واحد ٍ ما امتلت عينه عماً يعميه
واقصرانا نظرها في علابيها
صاحب العجل يبغى العذر ما يمديه
تهتدي الناس مير ابليس يغويها
عبدالله الميزاني
لو ابا اقول عيني فيه ما تخطيه
ابلشوني عتيبه وين اوديها
يسري الليل كله ما غدا ساريه
والقضاه اربعه تعرف بأساميها
حبيب العازمي
خالي الدار يبكي ما احدٍ يبكيه
تبكي الناس لك والا انت تبكيها
من سهر يلمس المشهاب ما يكويه
نارنا تحرق الراحه وتكويها
عبدالله الميزاني
لا تجينا بغادي دار وين اغديه
الحلا فالدير باللي محليها