على طاري هالوباء بحكي لكم حكايه

اليوم رحت للمستوصف (اشكومن الم في رقبتي مع شويت صداع كل مافطرت )

المهم

ولانني ملتزم بالتعليمات التي تنشرها وزارة الصحه قلت ياولد ماعندي كمامات مير خلني اطق اللطمه

المهم وانا في طريقي للدكتور ولانني اجد امامي مدير المستوصف ومير اقدم ابي اسلم عليه وهو يرتجف قلت وش فيك قال انت وش فيك ليتك مانت مصاب بالخنازير قلت ليه وش جاب طاريها قال تصدق خرعتني يوم شفتك متلطم قلت به شيئ ههههههههههه قلت والله انا امشي على تعليماتكم مير كان الدعوى تخوووف هذاني بفك اللطمه ومير افكها واروح عند تختور قصدي الطبيب وقال روح شوف الضغط واروح لغرفة الضغط وقالي الممرض انتظر شوي قلت ياولد خلني اركب هاللي يلفونها على اليــد ومير اجيها منا واجيها منا وتعيي تركب تراي اعرف بس الماخوذه خربانه ومير لافيه واحداً من جيراننا شايب قلت يابو فلان افزع ومير يفزع ابو محمد ويركبه ايه هالحين عاد بقى وشلون نشوف الضغط المهم ونلقالنا كوره براس لي ومير نقعد ننفح وماش فايده وننفخ وماش فايده المهم مالنا بالطويله الا الممرض جاي ويقعد يهاوش انتم ماتفهمون وش اللي انتم مسوينه ومير يفكه واثرنا قالبين اهالرباااط ههههه قلنا يابن الحلال كان قصدنا نخدمك مير المعذره المهم تفخ يدي شوي حتى نملت قال انت ضغطك زين روح للتختر رحت لم التختر وقال انت مافيك شيئ بس هالاللم من متى فيك قلت من يوم دخل رمضان ونا كل مافطرت جاني . قال بسيطه وعطاني بنادول ومسكن وبس . عاد يوم شفت هذا علاجه واتركه ماكلت منه ، وسلامتكم

.