لولا الغرام بهاجسي كان مابــــــــوح
لكن على الكتمان مالي استطاعـــه
راعي الهوى في الناس ياسعودمفضوح
مشـهر(ن) به مثل علم الاذاعـــــه
يافوح كــــبدي عقب ماصابها فـــــــوح
ياراع عيـــني يوم شافته راعـــــه
كني على شوف الغضــي دوم مشفوح
ســـبحان من سواها واتقن صناعه
ياليت احط الــــجاه والمال والـــــروح
واقعد مع المجمـــول لو ربع ساعه
واسعف فواد(ن) من هوى الزين مجروح
احتار في جرحه طبيب الاشاعه
جرح (ن) بنى في القلب سيسان وصروح
ويوم(ن) على يوم(ن) يزيد اتساعه
وابحـــــر على قلبي كما باخرة نوح
وعلى محاني القــــلب مسس شراعه
لاتحسب(ن) السالفه ضحك ومـــــزوح
الله زرع حـــــــبه بقلبي زراعــــه
انااشـــــــهد انه وافي الزين ممــــــلوح
اللي كمل في الزيـــــن مده وصاعه
الله كتب لي يالســــــنافي على اللـــوح
اعيش عمري من الهوى في مجاعـــه
م/ن