ياصاحبي نور حبك عندي مطفّا = من عقب ماكان تضوي كل شمعاته
حبك تركته مع الاموات وتوفّا = خليته يموت ليتك ذقت سكراته
هذي فعايلك يوم أدور وتلفّا = من يامن الوقت ياقع في متاهاته
واليوم في حبكم ماعاد لي شفّا = حبك عن القلب مقفوله محطاته
ياعين لاتنظرين لواحدن قفّا = صدّي وخليه لو يقصر بخطواته
خليه لو راح جاني منه ماكفّا = في القلب سياته أكثر من حسناته
لو ان حملي علي يزيد ماخفّا = الرجل دايم تصير بعيد نظراته
بنات الافكار جني كلهن صفّا = والقلب ماعاد يرجع عن قراراته
يعني هذا العلم لوحبر القلم جفّا = يموت الأنسان ماحقق طموحاته