هذه القصيده في الشيخ/ذياب بن ماجد المحينيش
معرف بدائع ريمان الشمالي
والحقيقه أبوشرار يستاهل أكثر من ذلك

ياهاجسي عطني من جزال المعانـي والقصيـد=مادام ما أنت بخيل واللي يطلبك ماهـو بخيـل
وإنكـان ماعلقتهـا ياهاجسـي تعليـق جـيـد=ماقلت لك ماجور لو تتعب وشديـت الرحيـل
وأنا رصيدي فالشعر ماهو بحـي الله رصيـد=أختار من جزل الفرايد فيـه وأكـب الهزيـل
والليله اللي جمعتنا مـن قريـب ومـن بعيـد=حشمـة معزبهـا تقصـر خطنـا لوهو طويـل
سلام ياحيد(ن)لياجا العلـم ماهـو بـأي حيـد=ذراه يذري عن جليد البـرد وضلالـه ضليـل
له من سنام المجد مايتعب من النـاس العديـد=المرجله والطيب والفزعه ومـن هـذا القبيـل
وزودن على هذا سطارة راس وضلوع(ن)حديد=أمميزه من ميز الوزن الخفيـف مـن الثقيـل
ذياب أبن ماجد ونعم الراس والبـاس الشديـد=اللي علاه المستحيل يصيـر ماهـو مستحيـل
أنا أشهد إني فيه لـو أقـول وأكـرر وأعيـد=ما أوفيه من حقـه عليـه لا كثيـر ولا قليـل
يالله عسا شكله مع أهل الطيب ماينقـص يزيـد=عشان من حده لهيب القيض يلقـا لـه مقيـل
طيبـه وتقديـره وراثـه لادخيـل ولاجـديـد=من راس عود(ن)في نهار القسم ماقسمه قليـل
ركنٍ لربعه بالكرم والطيـب والـراي السديـد=وحيد(ن)لهم دون المعادي لا يهـاز ولا يميـل
يالله ياللـي كـل شـي يبيـد وأنتـه ماتبـيـد=ياكافـل نفـوس العبـاد ولا لهاغيـرك كفيـل
يالواحد اللي مالغيـرك ترفـع يديـن العبيـد=ياللي عليـك الأتكـال الحـق يانعـم الوكيـل
يارب تجعل نفس ماجد فـي جـوارك يامجيـد=وتغفـر ذنوبـه ياغفـور ويارحـوم وياجليـل
واليوم ماهو يوم عيد وصار كنـه يـوم عيـد=ويالله لعل أفراحنا في كـل يـوم وكـل ليـل