لياهاض الضمير وقمت اسوي للقصيد بيوت=بيوت(ن) تتضيع اهل القصايد في مناكبها
ياكود الشاعر اللي نظم شعره كنه الياقوت=سوات الكسر يوم إنه يرتبها ويكتبها
وانا آبا اشكي عليه الحال قدام الزمان يفوت=قبل لا آحارب الغفوات وعيوني تحاربها
انا لي وقت يافاروق ابيّن صوت وأخفي صوت=اتابع نايحات الورق وتغني واجاوبها
على روس الغصون اللي تهزّع والورق محتوت=ضربها عاصفه وأظن جور الناس مذهبها
حبايب هالزمن تلعب بقلبي لعبة البيلوت=وتولعت بغرام اللي تناسبني وأناسبها
هنوف(ن) شكلها معدوم من صنعاء ليا بيروت=سحرني جسمها والسحرالآخر في حواجبها
ولها نجل(ن)ليا أغضت بالنظر ترسل سهوم الموت=وخد(ن)فالدجا براقة(ن) هلت سحايبها
وشفايفها طوارفها تقول مخضبه بالتوت=وكتف وردف والنكبه ليا فلّت ذوايبها
أحليها بوضحا(ن) يوم راعيها يجرّ الصوت=تحن وترمي النظرات للقعده وراكبها
غلاها فالفواد وفي معاليق الحشا منحوت=على قمة غرام(ن) نفحة الغربي تداعبها
طبعت إلها على قلبي مواثيق وعهد وكروت=كروت(ن) تحمل الاسرار حاضرها وغايبها
ورب اللي خلق موج البحور وحط فيها الحوت=لوإنه شافها شاعر هوازن مايسيّبها
وأظن اللعب لو فيه أربع إميه ناتجه كبوت=لاكن الناس قرده سهرة العاشق تخربها