أفااااااااااااااااااااااااا كل ذي سرعه ...لا ..لا انتبه يا ابو عبدالله وخلك قائد دفاعي دائماً والسرعه ما منها خير وانا عمك.

شفت جبت لنا الكلام ههههههههههههههههههههه

انا اقول ان سيارتك اللي عندك أفضل من هذي بس ما انت مصدق هههههههههههههههههههه هي صحيح ان سعرها حول المليون ريال بس والله لو تركبها الظاهر ان جماعتنا ما يسلمون عليك ههههههههههه

ذكرتني بسالفة واحد من خوياي عتيبي يقال له معيض من اهل المزاحميه <<هذا معيض الله يذكره بالخير ولد نكته وبدوي بكرتونه ولكنه رجل على السليقه وقلبه أبيض الله يذكره بالخير ...

كنا في عام 1990م وكان معيض معه ددسن DATSUN موديل 1987 ميلادي وكان هو واحد مطيري صعيبي (أبوندا) الله يذكره بالخير هم اللي كافينا في وسائل التنقل يوم كنا على الحديديه هههههههههههه الله يذكرهم بالخير في أي مكان كانوا وتحت أي سماء ..

المهم معيض خوينا هذا في يوم من الأيام بغا ينزل للحساء عند جماعة له وحنا كنا في (العضيلية)-منطقة بترولية تبعد عن الأحساء 50 كيلو غرباً-المهم الرجال نوى الروحه ولكن للأسف في ذلك اليوم سيارته عطلانه وما كان قدامه ألا واحد من خوينا غامدي يقال احمد حامد الله يذكره بالخير-هالحين هو شغال في الحوطه-المهم الرجال راح للغامدي وقاله يا ابو حامد انا ابي انزل للحساء معزوم عند جماعتي وابي السياره .

قاله الغامدي روح اخذ المفتاح من عند فلان وراح معيض واخذ المفتاح من عند صاحبنا الثاني وقاله السياره وين قاله السياره عانها في المواقف اللي قدام البنايه رقم كذا وكذا قال والسياره وشهي تراني نسيت سيارته قاله السياره (موستنج) هههههههههههههه يوم قاله موستنج معيض بغا يعيي بس هو يبي سياره هالحين وش يسوي ؟؟

ولا معيض الله يذكره بالخير حده ددسن ولا كابرس 1979م الله يذكره بالخير ..

المهم الرجال راح للسياره وركبها وشغلها كل شئ اوكيه وهو تروه اللي يقص السالفه يقول: يالربع ما أستوعبت شكلي في السياره وحاس ان وضعي غلط هالسياره تبيلها واحد مكدد شعره ونظاره سوادا وانا شماغ ولافها على وجهي ونظاره طبيه هذا كبرها المهم اني ماني مضبوط وشكلي غلط في السياره...

روح الرجال وقال الله يستر لا أصدم عليها احد او اصدم البوابه الرئيسيه حقت السكن لأنني ما تعودت على سواقتها هههههههههههه

يقول سهلها الله ووصلت الحساء واول ما وصلت الحساء قلت: ياولد خلك ذرب وعب السياره علشان الغامدي ما يقول ان العتيبي أستخدم السياره ولا عباها ههههههههههههه المهم يقول والبق عند هاك المحطه واقعد أدور فتحت البنزين 10 دقايق ههههههههههههه ويقول يوم عبيت بنزين لان عيال الحاره متجمعين حولي !!!

قلت وش فيهم ذولا؟؟؟ وهم قليل يشوفون موستنج (هاك الأيام الموستنج قليله لأن شركة فورد مرت بفترة منع طويله)!!

المهم يقول معيض يوم جيت امشي وهم يقومون يصفقون ويصفرون ويصايحون تكفا فحط ...تكفا فحط ويقول وانا جتني ام الركب قلت: أبكم انا يالله متعلق في الدركسون وتقولون لي فحط!! لا بالله إلا رحنا وطي ..

المهم يقول معيض : صرفتهم وروحت امشي وانا أدبي وحاس ان هالممشى ذا ماهو لايق على السياره ,,,هالسياره يبي لها سرعه وكبس فرامل وانوار وحركات وانا ما عندي في هذا كله!

الرجال وصل عند جماعته ويقول ياليتني ما وصلت ..

يقول : كل ما واحد سلم علي رمقني بعينه وقال السياره اللي برا منهي له ؟؟

وانا قاعد احلف : والله..والله ..والله يالربع ان هالسياره ما تِعرق في وانها لخويي وان ددسني خربانه ومستلف هالسياره علشان اجي <<<يعلمهم ان عنده ددسن علشان يحترمونه هههههههههههههه

المهم تقطعت مصراننا من معيض وعلومه وبعدها ما ركبها معيض للأبد


فانتبه يا ابو عبدالله لا يصير مصيرك مصير معيض