الشاعر لطام والشاعر أبوهاجوس
يعطيكم العافيه وماقصرتوا
صح السنتكم الشاعرين وبيض الله وجيهكم على هالمحاوره الجزله والمعاني القويه
لطام
في محلٍ على كسب النواميس ذاع=مرحبا من هجوسٍ تصتلي نارهـا
مايقف فالمواقف غير رجالً شجاع=يمتطي صهوة الفريس وأمهارهـا
ابو هاجوس
ياحسين الكلام وياحسين الطبـاع=البقاء من هجوسن ترجح اشوارها
كل واحد حسب قيسه وطول الذراع=وانت في داخل الميدان واختارهـا
لطام
أخذ علمي وجاوب حسب ما يُستطاع=ليه كل العرب ما تحتمي دارهـا
ليه كثر المصائب ليه كثر النزاع=والعرب ما نكبهـا كـود تجارهـااا
ابو هاجوس
انت يارجل اضنك تعشق الاطلاع=قمت تنظر يمين الارض ويسارها
ياولد لاتزيد اوجاع غير الوجاع=علة البطن عله تقرع اخطارهـا
لطام
أثر هاجوس مايدري عـن الإنطبـاع=والعرب عارفين القـوم وأسرارهـا
لو تحَث الجيوش إبحسن صرفه وراع=ما بقى حالتٍ ما تعـرف اضرارهـا
ابو هاجوس
كب هاجوس شوف ابوه يشري وباع=افتح العين معـك وطيـر اغبارهـا
انت راعي سفينه ماعليهـا شـراع=ترقل اخشابهـا وانفـك مسمارهـا
لطام
الإبن بأسم أبوه وبأسم عمه مُطاع=والخيول الأصيله وسط مضمارها
إفتح النت والبث وعليك إستمـاع=ما حصل للعرب من ضيم خطارها
ابو هاجوس
منت مفلح هجوم ولانت مفلح دفاع=قمت تجمع صغار الناس بكبارهـا
قبل جني المكاسب فكروو بالضياع=كم ناس بيداهـا خربـت دارهـا
.