بسم الله الرحمن الرجيم
ياقلب لاتحزن
الشعر ماكـلن مــن الناس يهـواه = مــن عــصــر نــوح وقــومه الســابقيــني
يقولـــه الــلي مـاســــئل عــنه لوحــــاه = عــايش عـلى غـــلـه وحـقــد(ن)دفيــــني
لـوتقصده بـاغلى الــقوافـي وتنخاه = مــاثــمّــنك لـــوكـان قــافك ثـــمينـي
واليـــوم مـاخـصــه ومــثلــه وشــرواه = اقــصــد هـــل الــمــعروف والـطيــبيني
كم من عكف شارب سمع قاف وابكـاه = لــوكــان بين الـنــاس عـقله رزيــــني
وان قـاله الــمــظــلوم من جــور دنياه = مــنه الجـــبال الــصــم يــمكــن تـــلــيني
وهـــاذي حــروفي من ضميري منقاه = مــاقــلتها لاجـــل امتـــع الــســامعيـــني
ولاقـالهـا(مجنون ليـلى)لحسناه = اسئـــل بـــلاد الــشـــام والــرافــدينــي
اقــولــهــا مــن قـلب صــادق بمعناه = قــلب(ن)من اسـباب المــفـارق حــزيني
(يــاقلــب لاتحزن) ويـــاقــلـــب عـزاه = مـن زود حـــزنــك عافت النوم عــيني
لاتشتكي مــثلـــك عـــلى الـله مشكاه = والــلـــــه ســبحــانه بــحالى يــعيــــني
قـــالو نــسيتــه؟ قــلت حاولت لــنساه = قــال: الــسبــب؟ قــلت اسئـــل العارفيني
قــــالو :تحـــبه؟ قـــلت حب(ن)من الـله = ســاكــن بــقـلـبي بالضـمايرحـصــيني
قـــالو: تعـــيش بــغيـرهـا؟ قلت لــولاه = اعيـــش حـــي بــحســــبة الـميتـــــيني
قـــالـــو: تشـــوفه بــالحلم؟ قلــت ويلاه = من قــال ان النـوم اصـــل(ن) يجــيني
قــــالو: تخيـــل؟ قـــلت عــايش بذكراه = كــني اشــــوفه كــــل لحــــظه بــــعيني
مـابيــعها لـــو اقـــرب الـناس بـعـناه = ماابــيع انـــا خـــل(ن) ابيه و يبـيــني
احـد(ن)يبيع الـــلي مـــن الــهم نســاه = ومــن عوضت قلبه عـذاب السنيني
واللي جـفاهــا من اقرب الناس لجفاه = استــغفــرالـلـه عـــن حــدا والــديني