بسم الله الرحمن الرحيم
مــقــاطــع شـعـريـه مــنـوعـــه
دون صوت
انت يعجبني كلامك لوكلامك(دون صوت) = والسكوت اثناء كلامك منك يعجبني بعد
اعشقك باثنا كلامك واعشقك عند السكوت = ما يكفي همس صوتك لو يسمعته للابد
بين همسك بين صمتك الخطير اني اموت = كان مت اخذ الوصيه وصلوها ابني(حمد)
الوفاة امر(ن) طبيعي والبشر كلن يموت = والبقا لله وحده ولا باقي احد
رمضان خارج الديار
صمنا وعيدنا بعيدٍ عن الدار=في ديرةٍ ماقدرت واجب العيد
ماسجل بدستورها شبة النار= ولاهي بملفىٍ للكرام الاجاويد
دموع كذب
يابنت خل الكذب لاعاد تبكين=اخاف من كذبك تقوم القيامه
قبل امس تشكينه على الله وتدعين=واليوم صرتي ميته في غرامه
اللاش محدٍ فاقدة كان تدرين=يكفيك شوفة صورته والعمامه
انس الرقم
احذر تذكرني ليا جيت ابنساك=انس الرقم وارجوك لاتذكريني
يومٍ من الايام كنت اطلب رضاك=واموت لاقالو لي انك تبيني
واليوم مالك عندنا غير ذكراك=الله يسامحكم وانا سامحيني
بحور وابار
الكيف مايوقف على بن وبهار=يحتاج رجلٍ يطرب النفس ملفاه
وبعض العرب لويملك بحور وابار=يموت منها مانصف دلته ماه
هابي ولاله عند الاجواد مقدار=وجهه على ماقيل كنه مقفاه
من خلقته ماجاه زاير ولاجار=ولا له رفيقٍ من الاجاويد يهواه
ماكنه الا(-------)لامره المار=مايلتفت وليا تعداه هباه
لوحط من فوق النعش
من صك عن ملفى طراقيه بابه=لو حدنا ضيم الدهر مانصيناه
والله ليبطي ماحسبنا حسابه=لو حط من فوق النعش ماتبعناه
وان راح روحت بس محدٍ درابه=ياالله عساها روحت مقاط ورشاه
مصارحه
انا ادري انك في غرامي تموتين=ادري ولكن وش تبيني اسوي
يوم اسمع نياحك على الخط تبكين= تتبعثر اوراقي وينحاس جوي
راعي الجماله
بديت باسم الله منشي خياله = اللي يميت ابن البنادم ويحييه
انا(ولد عباد)راع الجماله = اتعب ودور راعي الطيب واشريه
اترك دقاق الهرج واخذ جلاله = واكتب واطيب خاطري من معانيه
واللي تجاهلني ترا من هباله = معذور واللي يجهل الصقر يشويه
نص مفقود
قله ولد متروك ماضاق باله=ولاهو على مثلك وشرواك محدود
الشعر ياصنيتان خيّل خياله=والله لاحدك على درب مسدود
خل الرساله وش ابي بالرساله=لاجاتني جزءٍ من النص مفقود
الغرام
ابسئلك ياالغرام=لانك سبب عللتي
عندك رفيع المقام=والا؟مثل قللتي
تذكرو دائما ان -رضاكم هو الغاية التي نبحث عنها-اخوكم ومحبكم-عبدالرحمن العقيلي