كل ماجيت امشي الدرب الطويل.=رد خطوات القدم صوت الفحيح.
يا زمن يا وقت يا وجه ٍ نحيل.=عقدة المعنى على شفة صريح.
كم رثع ضبع ٍ على كبد المقيل.=وكم مخلب ينهش الشيخ الذبيح.
دب جوفه دود في عظمه نزيل.=ريح جيفه اعتلت دولاب ريـح.
أنت ياغصن الشجر كمّ بتشيـل.=من وزر من ظُلم من شي ٍ قبيح.
مضرب الحكمه بمجنون ٍ هبيل.=فاقد العقل وحكيـم ٍ للصحيـح.
الهزيله في زمن حمّل وشيـل.=قدرها تاج الثقـال ولا تزيـح.
غلطة العاقل مثل موجه تهيـل.=عابت الصيت وتمناها البجيـح.
ينعق وجاب الهوا لحن الهديل.=معتلي الموجه مصيره للمطيح.
من يحل العقده / ايجيب الدليل.=من يرد السيل والوادي فسيـح.
وانت ياالنابح ترى مثلك قليـل.=ريّح السانك وعقلـك يستريـح.
الظما مردودك اخدود المسيـل.=تابس ويكثر بها لهث ونبيـح.
اختلف سلم العرب كيف السبيل.=وقالوا الحر عقب هداته جريح.
قِطّب الشيهان والحجه عليـل.=وهدوا الغربان مع بوم ٍ يصيح.