يابوي وينك عذبتني الليالي

يابوي وينك عذبتنـي الليالـي ؟؟ * ليتك تشوف الحال وشلون منصاب

ليتك تشوف الهم وأوضـاع حالـي * ليتك تشوف الدمع وشلون سكـاب

ليتك تشوف اللي بعدكـم جرالـي * حتى الفرح يابوي وياك قـد غـاب

أمشي و أنا يابوي همـي ظلالـي * وأخفيت جرحٍ يايبه مابعـد طـاب

جرحن مع الايـام لامـن طرالـي * سالت دموع العين من بين الاهداب

ساعة رحيلـك يابعـد كـل غالـي * انهار حلمي وانكسر قلب معطـاب

خاوتني الحسره وحزنـي غدالـي * اوفا صديقن لي من دون الاصحاب

واوفت لي العبره وضيقـي وفالـي * وعايشتهم يابوي في ديرة أغـراب

يابوي شفت الويـل وانـا لحالـي * تركتني للوقـت ولضيـم الاقـراب

العيش دونـك والزمـن ماهنالـي * موحش بدونك يابعد كـل الاحبـاب

واجهت انا الدنيـا بكـل أحتمالـي * أسد بـاب وتنفتـح بعـده أبـواب

أعيش في حزني وهـمّ ارتحالـي * أشيل حمل جبال يابـوي وهضـاب

مالي عضيدٍ فـي حياتـي موالـي * أنخاه لاضاقت معي كـل الأسبـاب

آخـذ برايـه لا تسكـر مجـالـي * وفيه أعتزي كان الزمن كشر الناب

مالي سند غيرك ولا لـي ولا لـي * غيره سواء المعبود هو رب الارباب

أرجيه سبحانـه عظيـم الجلالـي * يرحمك ياعرب السلاله واالأنسـاب

وينزل على قبرك حقـوق الخيالـي * ويجعل عليه الخير والوبل ينسـاب

ويجعل مقامك فـي جنـانٍ معالـي * وينجيك من شر الهوايل والاصعاب

قصيده اعجبتني وحبيت انقلهاا

طاب نقلك شجون الليله


قصيده رآئعه ويعطيك العافيه

على نقلك الذوق

تحياتي

قصيده الرايعه ويعطيك لف عافيه اختي شجوووون الليل

قصيده رائعه وابيات مؤثره
ومشكوره اختي شجون الليل
على النقل .. وروعة الانتقاء
.

مؤثرة جداً يالغلا وماقصرتي

الأخت شجون ذائقتك رفية جداً في اختيار قصائدك المنقولة , وبكل ما في أسمك من شجون فهذه القصيدة تعتبر كتلة كبير من الشجن على فقدان اعز الناس الا وهو الأب الذي لن يسد مكانه أي أحد بعدما فُقد!!

صح لسان قايلها والله يصبره على فراق والده وسلمت على نقلها

صح لسان قائلها وتسلمين اختي عالنقل

غاليتي شجون الليل ..
قصيده رائعه ومؤثره والاروع هو اختيارك للقصيده ..
سلمت يمينك على النقل المميز ... ويعطيك العافيه ......

صح لسان شاعرها قصيده مؤثره والله يرحم امواتنا والف شكر لك الاخت شجون الليل على النقل الرائع

صح لسان الشاعر

ويعطيك الف عافيه شجون الليل على نقلك