الله من عين طرقها صواديف

الله من عين طرقها صواديف

الله من عين طرقها صواديف =عميت ويبسن بالعروق الصخافي
شفت الوزا بالعين من عرض ماشيف=شفته وغيري من فطن له وشافي
وقت تغير فيه حتى العواصيف=جا في عواصيف الرياح أختلافي
شره قناطير وخيره مقاطيف =يفطن له اللي يرضع الديد غافي
كم واحد جاله زمانه على الكيف=واغترته نفسه يبا الجود وافي
يطلع مطاليع العلا بالسواليف=بين العذارى عد روحه سنافي
يفرح بهرج بالقفى يكره الضيف=قتات والقتات بالنار هافي
يعلق قصيره علقة النار بالليف=عي ولد عي زنوده ضعافي
ان رخصت الحذوه توفي عن الحيف=وان غليت الحذوه مشى اللاش حافي
يرقد ويلحق والدينه تخاليف=دايم ومرقد ميت النار دافي
هو مادرى ان الجود يبغى تكاليف=سهر الليالي مقبلات مقافي
يبغى يدين للعطايا مغاريف=ويبغى رجول ماتمل الوقافي
والصبر بنحور السنين الشواحيف=اللي قساها مثل حد الرهافي
مايقدرون الجود سود الأطاريف=مشاركة بيض النسا باللحافي
يقدر عليه اللي حكم نجد بالسيف=واودع مباغيض القبايل ولافي
عبد العزيز اللي يبث المصاريف=يجدع قناطير الذهب بالفيافي
يمشي على دربه جموع مراديف=نو تحدر ماه والجو صافي
يشدي لواقيط الزبيدي بعد ريف=ومما كسى البيدا تفيد الضعافي

بندر بن سرور

صح لسان ابن سرور
وسلمت يمين ناقلها

صح بدنك اخوي فهد

ولاهنت يالغالي منور

صح لسان الشاعر بندر بن سرور

لاهنت اخوي جبر ع النقل

مشكور اخوي جبر على طرح هذه الابيات

حيـآك اخوي كل المواعيد منور

العفو عنود الصيد

شاكر لك تواجدك العطر

صح لسان ابن سرور على هالجزلة ..

ولاهنت أخوي جبر الخواطر .. ربي يعطيك العافية

حياك ربي نزف المشاعر

اشكرك لتواجدك


كل التحايا..~

صح لسان ابن سرور
ولاهنت اخوي جبر على نقلك الرائع
.