قصيدة مطيرالتاريخية

يالايمي بمطير ماتعرف مطير = ماتعرف اهل المرجله والزعامه

ولياجهلت اهل السيوف البواتير= هذا نعده منك ساس الغشامه

مطير بين الناس تفرق عن الغير= من الحرار الشقر فيهم علامه

اهل الثلاث المعجزات المشاهير= بطولة ٍتبقى ليوم القيامه

وقت القساعلوى تقود الطوابير=وبريه حماية ضعون الجهامه

وعبدالله الي ماتهاب المخاسير =لامن جو الحرب ثور عسامه

يوم الصباح ويوم وقت المظاهير= عدوهم مايهتني في منامه

واناماقول ان البقيه بتقصير = كل القبايل ماعليهم ملامه

لكن حنا دائماً وضعنا غير = الطيب ماقعنا بذروة سنامه

رجالنا حتى ولو عمره صغير= دايم شجاع ولايحب الرخامه

بالطيب نسمو مثل ابانات والنير= هاماتناتطلع على كل هامه

حنا هل الردات والصاير يصير= وحنا هل التوحيد والاستقامه

وحنا لياصارت ورود ومصادير= نضرب على الكايد ونكسرعظامه

وشيوخنا بين النشاما مشاهير = يعرفهم الي ماخلص من فطامه

من يجهل الدوشان شرابة البير= اهل الكرم والمرجله والشهامه

ومن يجهل الجبرين بين المناعير=شيخ العبادل والفشق في حزامه

والفغم اخو صبحا ليا غرد الطير= من عانده ماهوب وياالسلامه

وبن بصيص كان للعلم تبرير = عز الله انه مالحقته ملامه

وبن شرار الي يقود الطوابير = ماله حلي مع لابسين العمامه

وفعل السقياني صعيبٍ على الغير= تسعين فارس مايصفون امامه

وافعال بن مدلج تسطر بتسطير= الي فرض على الجميع احترامه

وهذا قليل وغيرهم باقي ٍغير= مااحصيت كل اهل الوفاء والزعامه

هذا كلام الصدق ماهوب تزوير= والرجل ملزوم ٍيثبت كلامه

وياجاهلٍ بمطير ذا موجز مطير= كل الفخر والطيب لبسو وسامه

ولياجهلت اهل السيوف البواتير= هذا نعده منك ساس الغشامه

عبدالرحمن بن غلاب بن بديد

معايده جميله منك اخي عبدالرحمن >> صــح لسانك وعلاااااا شأنك

هذه يا أبو عيسى معلقه ما شاء الله عليك قوة وفصاحة وسرد رائع وربط الأسماء بمواقفها ...قصيدة تعتبر شيخة قصائد أبو عيسى لله درك يا ولد ميزان فقد اتعبت كثيراً من الشعراء

صح لسانك وقصيدة جزله من شاعر جزل

وخمس نجوم *****

صح لسانك أخوي عبدالرحمن وقصيدة جزله ومطير تستاهل المدح وبيض الله وجهك
تقبل مرورٍي

بيض الله وجهك يابو عيسى على هالقصيده التاريخيه

وكل عام وانت شاعر وبالف خير

بيض الله وجهك يا عبدالرحمن على هالقصيده الجزلة من شاعرا جزل في معانيه و لله درك يا ولد ميزان
تقبل مروري وتقديري

مطير بين الناس تفرق عن الغيـر
من الحرار الشقر فيهـم علامـه
اهل الثلاث المعجـزات المشاهيـر
بطولـة ٍتبقـى ليـوم القيـامـه

صح لسانك ايها الشاعر المتميز

0
0

صح لسانك ../ ولا هنت

قصيدة رائعة تستحق الاشادة


أخوك .. ممدوح

مطير بين الناس تفرق عن الغير= من الحرار الشقر فيهم علامه
اهل الثلاث المعجزات المشاهير= بطولة ٍتبقى ليوم القيامه

لله درك يابوعيسى قصيده جزله ولا يستحقها ألا مطير

صح لساانك يابــو عيســـى شااعـــر متمـــيز دائماً