هاض الضمير وقلت يالله عسى

قصيدهـ للشاعر عويض بن مطر الحريّص ..
بمناسسبة زواج نايف ضواحي الحريّص
وإليكم القصيدهـ

هاض الضمير وقلت يالله عسى خير=والقلب هجرس وابتدى ماطرى له
يارِجل لو طالت عليك المشاوير=سجِّي لـ أبو نايف زعيم الشكاله
سلام ياللي طوّر الحفل تطوير=بقدوم من لبى دعوته وجاله
هلاّ ورحّب بالوجيه المسافير= من دون وجهه ماتغالا حلاله
بقدومهم جاب الدلال المباهير=يفيق ضرمان الضحى من دلاله
شبّاب نار ولايهاب المخاسير=وليا اختلف حمل الرفيق ارتكاله
البيت بابه فاتح (ن) للمسايير=وأن غاب عن بيته يوصي عياله
هدّاج تيما بالليال المعاسير=ومن صكته سود الليال يعناله
ضواحي مطربالمدح له منهجن غير=رفيقنا اللي ماندور بداله
عقّب حرار(ن)كلبوهم نوادير=وطيب الولد معروف من طيب خاله
البوم في وسط الخرابه مناحير=والحر ياقع في شوامخ جباله
طير(ن) بلاجنحان ماينحسب طير=ورجل(ن) بلاربع(ن)وحيداًلحاله
في حفل نايف صفقو ياجماهير=يالله عسى كل التوافيق فاله
حراً طلع من ماكره توه صغير=طلعة بعيدوحقق الله أمـآله
تم الكلام وقلت يالله عسى خير = والقلب هجرس وأبتدى ماطراله

صح لسان الشاعر عويض الحريص

ولاهنت أخوي جبر ع النقل

مشكور على مرورك اخوي

يعطيك العافيه

صح لسان والدك الشاعر عويض بن مطر الحريص وقصيدة جميله وقد لفت نظري بيت أستهلال القصيده:

هاض الضمير وقلت يالله عسى خيـر=والقلب هجرس وابتدى ماطرى لـه


صح لسانه ولا هنت على إدارح القصيدة أخي جبر الخواطر

الله لايهينك

مشكور اخوي ابن مصاول

منور

صح لسان الشاعر عويض مطر على هذه القصيدة الجزلة
وبيض الله وجهك ياجبر على إدراجها لنا
وقد اكتشفت شيئا فيك من خلال هذه القصيدة
خلك تحترق ماني معلمك لين تتصل هههههههههههههههههههه

ههههههههههههههه

ابشر وبتصل يابوفهد

ومشكور على مرورك

صح السان ابو بدر عويض الحريص على هذه القصيده وابو نايف يستاهل المدح ..


لا هنت اخوي جبر على طرح هذه القصيده ..

الله يعطيك العافيه اخوي ابوفيصل

ونورت الموضوع والقصيدهـ بتواجدك

صح لسان الشاعر عويض الحريص

لاهنت اخوي جبر على النقل المميز ولاهنت