قصيدة في الاستاذ :بن مصاول

	بسم الله الرحمن الرحيم قصيدة دورع المجد كتبتها في الاستاذ/عبدالمحسن بن ضيف الله بن زراق بن مصاول بن مدلج الميززاني المطيري زفو الهدايا وارفعو كل الاعلام=وزفو دروع المجد للي كسبها واللي بنا له قصر من صخر وارخام=يستاهل الجزلات لو ماطلبها لن؟ القصيدة كنها بنت حكّام=تخطب خيار القوم لو ماخطبها والا؟الردي تكرم عنه بنت الاحشام=لو تجلبه ماجاب قيمة ذهبها تستاهل الجزلات ياشبل الاكرام=الك اطيب اشعاري تقدم شببها لمثلك يابوضيف الله تشوم الاقلام=ويطرب فؤاد الشاعر اللي كتبها شيدت لك قصرٍ مثل قصر صدام=ابها من افيّنا ومن لندن ابها اذا دخلته كنك بدرة احلام=والا:كانك داخلٍ سودة ابها والا؟ مابين امطار وثلوج واغمام=بمرتع نخيلٍ باساقاتٍ رطبها لون العنب امع النخل ذات الاكمام=ولاعاد يعرف تمرها من عنبها موقعك هذا مرغم العالم ارغام=الا: هي اللي جات له ماغصبها جتنا القبائل كلها ابدون عزّام=ولافيه دار الا:لفونا عربها من اليمن لا:قلب لبنان والشام=ومن سلطنة عمان لاشط سبها الكل جاء يبحث عن اضواء الاعلام=وعضويته يفخر بها لا:قضبها اقلامهم تنزف حبر نور واسهام=وانت الوقود اللي يّوهج لهبها انت الوقود لكل ماتبدي الاقلام=والنار ماهي نار لولا حطبها وصنفت نفسك فيه لاعضاك خدام=وانت الذي كل المراجل جلبها برامكو يوم المناصب بالارقام=حصدت من فضل الله اعلى رتبها من لابة يوم وقت اللقا سيوفٍ احسام=معرب من جدٍ اقصى نسبها ورثت من مدلج مقامه ليا قام=اللي فناجيل الدواهي شربها ومن جدك مصاول دهاته والاحكام=لاعيت العيات وابلا نشبها ورثت من زراق بن مدلج احزام=اللي يحقق غايته لا:رغبها ورثت من ضيف الله وصاة ووسام=الفارس اللي كل هيجاٍ غلبها منته بخادم عّلّم الشام واليام=في جملةٍ كلن عرف وش سببها جمله لك الله حطمت كل هّدّام=واصبح يعد مشاركاتٍ حجبها واعلم ترا الخادم حسب هدي الاسلام=امير وانت ادرا بها واعلم ابها تعبت وراك اقلام وارتدت احيام=الله وانا ساله يعوض تعبها يوم اثبتت سود الليالي والايام=وكلن تجرع علقةٍ ماحسبها حسو بخيبتهم وصارو لك اخصام=عجايب الدنيا ومااكثر عجبها اعذرنا بالقصور يابوضيف الله-وحقك علينا اكبر من قصيدة

[/frame]

ياسلام ياسلام

أبن مصاول مهما تكلمنا عنه وكتبنا فيه يشهد الله إنا مانوفيه حقه ..


صح لسانك يالعقيلي وبيض الله وجهك على القصيدة الطيبة والجزلة ويستاهل أستاذنا وأخونا الكبير أبن مصاول الله يحفظه ويوفقه وين ماراح ..






ولك مني اخوي عبد الرحمن خالص التقدير والإمتنان .

صح لسانك أخوي

ويستاهل ابو ضيف الله كل خير

تحياتي لك

السلام عليكم ورحمة الله وبركاته وبعد /

قصيدة جميلة لم تأتِ من فراغ في مدح شخص كريم يستحق .

لافض فوكَ يا شاعرنا عبد الرحمن .

ودمتم سالمين .

صح لسانك اخوي عبد الرحمن

يستاهل المدح والثناء ابوضيف الله وهو اهل له ..

شكرا لك

صح لسااانك اخي عبدالرحمن ..
يستحق الممدوح المدح فيه .. والى الامااااام دائمااا يابن مصاول ..
والف شكر لك اخي على هالتميز ..

صح لسانك أخوي عبدالرحمن العقيلي
ويسلم راسك يامبدع قصيدة جزله لله درك
وأبو ضيف الله يستاهل دواوين من الشعر
ومهما ما كتبنا لا نوفيه حقه فهو راعي الطيب

يستاهل ابو ضيف الله معلقات وليس قصائد فقط

صح لسانك يابو حمد عدد كل حرف كتبته وعز الله انك كفيت ووفيت يالقرم

وابن مصاول يستاهل المدح والطيب كله ومهما قلنا فيه لن نوفيه حقه
تحيتي لك وتستاهل التقييم
.

صح السانك يابو حمد ويستاهل ابن مصاول كل خير ...

موقعك هذا مرغـم العالـم ارغـام=الا: هي اللي جـات لـه ماغصبهـا
جتنا القبائـل كلهـا ابـدون عـزّام=ولافيـه دار الا:لفـونـا عربـهـا
من اليمن لا:قلـب لبنـان والشـام=ومن سلطنة عمـان لاشـط سبهـا
الكل جاء يبحث عن اضواء الاعـلام=وعضويته يفخـر بهـا لا:قضبهـا
انت الوقود لكـل ماتبـدي الاقـلام=والنار ماهـي نـار لـولا حطبهـا
وصنفت نفسك فيه لاعضـاك خـدام=وانت الـذي كـل المراجـل جلبهـا

ويستاهل ابوضيف الله وماقصرت يا عبدالرحمن العقيلي وبيض الله وجهك ونت والله اللي نفتخر بعضويته به الصرح الشامخ..وشكرن