قم يالدجيما تحيزم لاح برق الجنوب

بسم الله الرحمن الرحيم

محاورة:عبدالرحمن العقيلي-علي الدجيما

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
عبدالرحمن العقيلي

سلام من خاطرٍ سالي وصدرٍ رحوب=يضفي على شاعر القلطه وحظارها
قم يالدجيما تحيزم لاح برق الجنوب=الديره اللي تباها هلـت امطارهـا

علي الدجيما

يامرحبا بالرفيق اللي يدل الـدروب=اللي ليا قال كلمـه مانبـا غارهـا
انا ربطة الحزام ولا عليـه ذنـوب=انكان شفت الاصايل وسط مضمارها

عبدالرحمن العقيلي

الله عليمٍ بما نخفيـه جـوف القلـوب=هو عالمٍ ماتخبـئ النـاس واسرارهـا
حذراك حذراك من هرجٍ عليك ا محسوب=قدمك عيـال العقيلـي تشتعـل نارهـا

علي الدجيما

وانا ادري انك على الزلات منت امغصوب=واللي يخبط البسيطـه يجهـل اغبارهـا
لاتشغل اهل السفينه وانت مالـك ركـوب=نصيحة اللـي يعـرف اعقيـل وديارهـا

عبدالرحمن العقيلي

لاهب من يمة القطب الشمالي هبوب=ارسي سوات الجبل وزوّد عيارهـا
يازين شوفة بحر جده بوقت الغروب=قدام وبل السيول يهّـدم اسوارهـا

علي الدجيما

كفو ولاقول فيكم يالعقيلي عيـوب=انتم سنايد صغار مطير وكبارهـا
لاكن ابنصحك عن جده لعلك تتوب=ترا ذنوب الاوادم تقصر اعمارها

عبدالرحمن العقيلي

ابشرك مالقيت اللي بدلهـا ينـوب=من بعد ما اظلم سماهاو تاه بحارها
كانت قبل لايجيها السيل ريمٍ لعوب=لاكن عقب ما سقاها قل مقدارهـا

علي الدجيما

الليا لقيت المنيحه يالعقيلي حلـوب=احلب لراع المنيحه وحلب الجارها
ولبس من العافيه غتره جديده وثوب=وتابع قناة الجزيره وحفظ اخبارها

عبدالرحمن العقيلي

الظاهر انك تبى الفكه وتبغى الهروب=تدور الغابه اللـي لـذت باشجارهـا
والديره اللي سقاها السيل ديرة حروب=وش ينبغى بالحيا اللي يطفي انوارها

علي الدجيما

ان قلت حبة خشم وان قلت نفخة ذروب=ام الكبايـر عقيـم ومـات سمسارهـا
لاكن عود مع الجره صياحك طنـوب=وبضاعة السوق ماتنزل عن اسعارهـا

الله ..الله عليك يا ابو حمد واجتماع قطبين من أقطاب الشعر وشعر المحاورة بهامتي عبدالرحمن العقيلي و علي حميدان الدجيما شئ كنا متعطشين له منذ زمن فهنا يكون الشعر الحقيقي والمحاورة الحقه ....ونحن معكم متابعون

الليل الليل صح لسانك
شدوا حيلكم يالصفوف

ابو حسين وينك

حضور الدجيما ...واهلاً بأبو حسين يالله تحييه <<ونحن متعطشين للشعر الحقيقي يا أبو حسين

يامرحبا بالرفيق اللي يدل الدروب= اللي ليا قال كلمه مانبا غارها
انا ربطة الحزام ولا عليه ذنوب=انكان شفت الاصايل وسط مضمارها

للإبداع موعد مع هذه الليلة
صح لسانك أخوي عبدالرحمن العقيلي
وصح لسانك أخوي علي حميدان الدجيما

ونحن سعدا بمتابعة الاساتذه ابو ضيف الله ولد الدويله لنا الشرف طالت عماركم

الله الله عليك يابو حمد ولايهون ابو حسين
وصحت السنتكم

الله عليمٍ بما نخفيه جوف القلوب=هو عالمٍ ماتخبئ الناس واسرارها
حذراك حذراك من هرجٍ عليك ا محسوب=قدمك عيال العقيلي تشتعل نارها

المشاركة الأصلية كتبت بواسطة علي حميدان الدجيما

يامرحبا بالرفيق اللي يدل الدروب= اللي ليا قال كلمه مانبا غارها
انا ربطة الحزام ولا عليه ذنوب=انكان شفت الاصايل وسط مضمارها

الله ..الله وينهمر الشعر من شاعر الجزلات ..وسر ياليل