جده دهمها السيل وأينك يابورأس=وأنته تقول إنك تحدى السيولي
مانته لحالك معك في الشغل كم راس=حكرتوا الشغله ولا أنتم خبولي
بعض العرب لو حاول النهب ينحاس=و نهبه على قده قليبه جفولي
والبعض لامنه سرق يسرق الماس=ذئبٍ سنافيً محنًك ختولي
شغل الامانه صار قصدير ونحاس=إخسوا عليكم حال جده يهولي
وش عاد ينفع نضرب ارباع باخماس=الناس ماتوا والمباني طلولي
تكفا يابو متعب عط المجرم الماس=ذابح له أمًه ذبحتين بحولي
تعطون مليارات و بدون حراس=والشعب من بعض العطا ماينولي
الشعب مخلص وأمركم له على الرآس=والشعب ينخى جعل عمرك يطولي
أن تبوح بسرك لصديقك المقرب وتوصية بأن يسجنه في قفص صدره وتشرح له أهمية المحافظة على الأمانة .. وتنام مطمئناً متخففاً من همك وسرك .. ثم تستيقظ في الصباح على صوت أسرارك ينطلق كالأغنية من أفواه الآخرين