قصيدة جدي بن مطلق العتيبي في الشيخ راكان مناور بن مصاول بن مدلج

الشيخ/ راكان مناور بن مصاول بن مدلج

هذي القصيده قالها الشاعر جدي بن مطلق العتيبي بالشيخ / راكان مناور بن مصاول بن مدلج عندما بدر منه علوم طيبه ومقام يرفع الرأس

الطيب مانستغربه من هل الطيب=واخص ابن مدلج وبالذات راكان
راكان ابن مدلج عطيب المضاريب=يشهد له اللي يعرفه كان من كان
راع الكرم والطيب راع المواجيب=راع الوفاء والصيت والله كحيلان
يركض على الجزله كما يركض الذيب=وميقاعه العليا كما طير حوران
الطيب دربه عسر بالحيل وصعيب=ولايقدره ياكود ذربين الايمان
شروا ابن مدلج اهل شمّخ النيب=اللي حموها يوم روغات الاذهان
يوم احتموها بالسيوف المحاديب=وتشيخوا بالطيب فالاد ميزان
وصاروا لجزلات المواقف معازيب=وحطو لهم في صفحة المجد عنوان
صغيرهم منجيه ربي من العيب=وكبيرهم مدمن على الطاله ادمان
هذي شهادة حق ماهي بأكاذيب=وعندي على ماقلت فالقاف برهان

.

صح لسان الشاعر جدي العتيبي على القصيده الجزله والشيخ راكان بن مناور بن مصاول بن مدلج يستاهل المدح رجل يفعل الطيب يستاهل ماقيل فيه من مدح فهو دائما سباق للعلم الغانم ومواقفه دائما
مشرفه شكرا لك اخوي سهم على النقل دمت بخير

صــــــــــح لسانك اخووي

صح لسان الشاعر / جدي العتيبي ويستاهل ابو مشعل المدح والطيب كله
ولايستغرب المدح فالشيخ راكان ابن مدلج فهو رجل عرف بطيبه وكرمه وفزعاته المشرفه
ودائماً سباق للعلوم الغانمه ومواقفه مشهود لها مع الكثير من ابناء عمه وحتى مع القبائل الاخرى
والف شكر ياسهم الموازين على نقلك لمثل هذه القصيده
.

صح لسان الشاعر جدي العتيبي ويستاهل الشيخ صاحب الحضور المميز دائماً راكان بن مناور بن مصاول بن مدلج , وأبو مشعل غني عن التعريف وما هذه القصيدة وغيرها إلا غيضٌ من فيض من صفات هذا الرجل

ولا هنت يا سهم الموازين على هذا النقل الموفق

صــــح إحساسك يالغاالي

يستاهل المدح ابو مشعل

صح لسان الشاعر ويستاهل ابو مشعل

مشكورين على المرور

صح لساانك اخوي ويعطيك العافية