المعاناه المره (قصيده صوتيه )

الله من فكرٍ ليا ما اختلى سج = يطوي مدارات الفضا كل سجه
الهم لاجاه اعتلج كنه العج = في داخله من زايد الهم عِجه
صحيح اعاني هم لكن ما احتج = مالي على من سبب الهم حجه
الهم ماهو لي من قبل منهج = لولا ان شين الوقت يمي يزجه
جاني بلا استشعار وضعه مدبلج =واوهمني بعزفه وفاتن مسجه
ابحرت فيه ومركبي بأعمقه دج = حتى غدربي واصبح الحال دجه
لاقادر اصبر له ولا قادر اهج = ماتستويلي بعد ما ارسيت هَجه
والله لوهجيت مع واسع الفج = يامن طلب حقه ورايه يفجه
لكن ابركزها على فارض الحج = اللي فرض بامره صلاته وحجه

اخوي راع الوفا
صح لسانك على هالنص الجزل اللي سجينا معك فيه الى موطن الشعر الاصيل والجزل
(لاكن ابركزها على فارض الحج) ونعم من ركزت امرك عليه سبحانه وتعالى قصيده رائعه بالفعل
دمت بخير

صح لسانك أخوي راع الوفا ومبدع في كل حالاتك الله لا يضرك

صح لسانك ملييييييييييون راع الوفا

صح لسانك راع الوفا

قصيدة جزلة

يعطيك العافيه على الايرااااد
تحياتي لك

صح لسانك يابو ماجد ملايين
قصيده اكثر من رائعه
ولو اني اجد فيها من الرمزيه الشيء الكثير
لكن اقولك ماتضيق الا تنفرج

لك الود والاعجاب والمتابعه ياصاحبي
.

صح لسانك اخوي راع الوفا

وبيض الله وجهك

ويعطيك الف عافيه .. وبنتظار كل جديد منك

لكـن ابركزهـا عـلـى فــارض الـحـج

..... اللـي فـرض بامـره صلاتـه وحـجـه

ونعم بالله ... وخير من سنّدت عليه يا راع الوفا ..

صح لسانك على هالجزله ...

اشكر كل من شرفني بتواجده وتكرم بوضعه بصمته في متصفحي

لاخلا ولاعدم