قيمــة غـلاها

.
مسـاء / صباح الخير

متواضـــعه آمــل أن تنال على الإعجاب

العيـن تبكيهـا تـرى مـن غلاهـا=والقلـب لـوّه سالـيٍ مـا نساهـا
والنفس صعبه تتـرك اللـي تحبـه=الليا ارتكز وسط القلـوب وحشاهـا
والعقـل مـا أقـدر أمنعـه لايفكـر=فيمن سكـن دنيـاي واللـي ملاهـا
من قبلهـا عايـش وحيـدٍ حزينـا=ومن بعدهـا نفسـي تبَيـن شقاهـا
يومي معاهـا عايـشٍ فـي وناسـه=وناستـي يـا نـاس يومـي معاهـا
والحين يدي صايـره تحـت خـدي=ماغيـر أفكـر والنجـوم بسمـاهـا
كتبت فيهـا مـن حزيـن القصايـد=اللـي تبكـي منهـو اللـي قراهـا
هذي مصيبه ما أقدر أمنـع يدينـي=تكتـب قصيـدٍ كثـر دمـعٍ بكـاهـا
قصيـدةٍ تِبكـي وراهــا قصـيـده=من حبها ،، حتـى زمانـي شكاهـا
ياليتهـا تنظـر بحالـي وتــرأف=وتشوف حالي كيـف بيَـن رداهـا
ادريبهـا وظروفهـا اللـي تمـانـع=أدري وخابر ظرفهـا اللـي حداهـا
ما ودي أشرح بالتفاصيـل وأمشـي=وأفتـش عيـونٍ عليهـا غطـاهـا
هذا وأنا ماصـرت أضغـط عليهـا=خوفي عليها صـار فرصـة جفاهـا
ياطير ياللي فالسماء طـرت ياطيـر=وصّـل سلامـي للحبيبـه وجـاهـا
أدري ترى ياطير لِـنّ شفـت خلّـي=منته بقـادر تنتصـب مـن حلاهـا
مـن بعدهـا ياطيـر لاتلـوم خالـد=يومـه تغنّـى فـي نسايـم هواهـا
رحلـه وقلّـه بـأن نفسـي عليلـه=لكِـن دواي إنـي بـيـومٍ أراهــا
وقلّه تـرى خالـد عشانـك تعـذّب=يومه علـى فرقـاك نفسـه وطاهـا
حبـك تمكـنّ داخـلـه واستحـلّـه=واستعمره .. والعين ذاقـت عناهـا
ودام الدموع تسيل من شـان غالـي=بزود الدموع تعرف (( قيمة )) غلاها

.


وســلامتكم

قصيدة قمة في الروعه وجزله بيض الله وجهك يالعاصم أشهد أنك شاعر ومبدع ..تكفا لا تخلينا من جديدك

أخوك ابن مصاول أستمتع بالرائعه اعلاه ويهنيك على شاعريتك المتدفقه

قصيده رائعه يالعاصم وتسلم ونتظر جديدك وتقبل مروري

ما ودي أشرح بالتفاصيـل وأمشـي
وأفتـش عيـونٍ عليهـا غطـاهـا
هذا وأنا ماصـرت أضغـط عليهـا
خوفي عليها صـار فرصـة جفاهـا

صح لسانك وبيض الله وجهك

ولاتحرمنا من جديدك يالغالي

وتقبل مروري وشكرا

صح لسانك وبيض الله وجهك

ولاتحرمنا من جديدك يالغالي

صح لسانك قصيدة رائعة يالعاصم ويعطيك الف عافية يالغالي