البرد لهفت شوق و الليل ساكن ..

الـبـرد لـهـفـة شـوق و الـلـيـل سـاكـن ~

و انـا تـشـفـقـت الـلـقـاء و احـتـريـتـكـ ~

الـلـه عـطـانـي ايـاكـ و اصـبـحـت واكـن ~

عـلـى الـلـه انـي لا بـغـيـتـكـ لـقـيـتـكـ ~

مـؤمـن بـمـا يـكـتـبـه الـلـه لـي و لـكـن ~

بـلـيـت نـفـسـي فـيـكـ عـشـق و بـلـيـتـكـ ~

تـغـيـب و عـيـونـي عـلـيـكـ يـتـبـاكـن ~

لـو انـكـ تـسـقـيـنـي الـوصـل مـا ارتـويـتـكـ ~

خـلـيـت حـسـرات الـزمـان ايـتـراكـن ~

بـيـن الـرجـا و الـيـاس لـيـتـكـ و لـيـتـكـ ~

داويـت جـرح مـن قـسـى الـوقـت مـاكـن ~

ولا بـتـعـطـيـنـي ربـع مـا عـطـيـتـكـ ~

و خـلـيـت نـاقـلـت الـهـروج يـتـحـاكـن ~

و مـن كـثـر مـا اجـحـد احـسـب انـي نـسـيـتـكـ ~

مـاشـفـت قـلـبـي و الـعـيـون يـتـشـاكـن ~

اغـيـر مـنـهـم مـن كـثـر مـا هـويـتـكـ ~

سـريـت لـك مـشـتـاق و الـلـيـل داكـن ~

يـسـتـر ظـلامـه وقـفـتـي عـنـد بـيـتـكـ ~

تـقـول حـبـكـ بـيـن الاضـلاع راكـن ~

و اقـول هـذا الـلـي ذبـحـنـي و جـيـتـكـ ~

سـمـعـنـي مـحـمـد يـغـنـي الامـاكـن ~

و اسـمـعـكـ واحـشـنـي مـوت و فـديـتـكـ ~



لشاعر : حمدان المري ..

صح لسان الشاعر وتسلم اناملك لعيوني ترخص ارقاب ..

سلطان القحم.

اسعدني مرورك اخوي سلطان ..