العولمــة

العولمة جاوزت فينا حدود الخيال / والكل منا غدى بالعولمة مبتلي


صارت سنين العمر تمضي بنا كالليال / وقلوب هالناس تملاها النجاسةملي


الكل منهم تخلى عن دروب الوصال / والكل وده يعيش بوسط داره خلي


الناس تفرح وفيها هم كبر الجبــال / تضحك وهي من صواديف الزمن تصطلي


ياصاحبي واستمع من خاطري هالمقال/ ولولا الغلا ماسردت لحضرتك مايلي


لا تشتهي كآس غيرك وان غدى به زلال/ وثوبك يدفيك من بردك وهو مخملي


ولا تشتكي جرحك الدامي لو الدم سال / ولا تنخدع بالمظاهر وان كستها
الحلي


واعرف بأن الوفاء في هالزمن شي محال/ ما قلتها لجل تحفظ صم وتعيد لي


والطيبة اللي أحسبها أغلى الخصال / ماجرني غيرها للغدر والله ولــي


متى بعد قيضنا يرسى علينا ظلال ؟ / ونشوف بعض الظلام بظلمته ينجلي


دعيت لك كل ماجالك بفكري مجال / وفي ظهر غيبتك طلبتك يالغلا تدع لي

صح لسانك يا عارف وقد قرأت قصيدتك هذه ووجدتها احسن من قصائدك الأخرى واكثر ترابط وفالك التوفيق ياعارف وننتظر جديدك

صح لسانك وتقبل مروري

شـكــ وبارك الله فيك ـــرا لك ... لك مني أجمل تحية .