اول جديد/ سلمان فيصل الميزاني محاوره مع الشاعر ملفي جفين

قالت هواجيسي بعد طولت هجران وصدود = سلام رده ريحها ريح عود وشاذليه
الحمل يابن جفين من فوق ظهر شعيل مشدود = وشعيل مأمور ومنهي مع الأرض الخليه

حيآآآآآآآآآآك الله اخوي سلمان .. نورت المنتدى ..
أسعدتنا كثيييييير بتواجدك ..


وصح لسآآآآآآآآآآآآآنك ع هالأبيات ..

أنت معك معنى ونيه ولي نيه ومقصود = يامرحبا ترحيبتن وافيه ميه بـ ميه
شعيل ياسلمان مايلحقه شكه ومنقود = يسرح ويمرح يابيض الوجه في نجد العذيه

الله ..يا سلام يا سلام نحيي الشاعرين

وأهلا يا أبوفيصل

ياهلا ويامسهلا فيك ياسلمان في منتدى الموازين

انا معي معنى لكن انتبه للبيض والسود= ياشاعر اللي ودي انشده عن ذيه وذيه
الي يشيل البندق الي بلا صفره وعبرود = كنه حدا نفسه على الموت من حوض المنيه

مشاءالله مبدعين
تعالي ياشويهينه امسكي معي الصف ^_^

ان كان عندك يابن عمي عليها اثبات وشهود = منته بساري لين نكشف لك اسرار القضيه
عز الله اني مانقلت السلاح أبدون بارود = لكن ماودي بنكبتك نكبه عالميه

ماني على ظلم الرياجيل ياسرحان محدود = لد النظر وتعاين الوسم في خد المطيه
لو طقت زنودك ماقدامك الا سيف محدود = من شان ياملفي تعرف الرباع من الثنيه

الله الله ياريم صفي الصفوف