وضــح(ن) عـلـيـهـن هلال وشاهده فوقه

غير متواجد حالياً

قصيدهـ للشاعر \عويّض بن مطر الحريـّص

مسندهـ إلى الشاعر الكبير عبدالله بن عميش الحريّص

وإليكم القصيدهـ

ياركب اللي سبـيـره فوق صندوقه= ومميزه لوحته من فوق صدّامه
راعــيــه جابه ورتـّـب عزبــتــه فوقه =عبا التوانك اثنين وولم اولاّمه
هو مـنـوّت اللي يــبي داره ومعشوقه =أجازته نازله ومسلماً زامه
شـفقاً على جادلاً ماهي بمطفوقه= ولاهي من اللي تبي سائق وخدامه
يمشي من الرس قبل الصبح وشروقه = قدّام وقت الغداء كد عـقـّب الشامه
سواقه اللي يشوش ويطربه سـوقه= شفه على جيب حوض وحقق احلامه
شرهاً على اللي عبر بالجو بـلـحــوقه =من قو صفق الهوا خطراً على اللجامه
يـلـفـي عــلـى شــاعراً يتبع هوا نوقه= متحيزماً دونهن لو الدهر ضامه
وضــحاً عـلـيـهـن هلال وشاهده فوقه =وسمن مسلسل على الجدان واعمامه
إلي اســـتوى حاجراً عشبه ورقـروقه = مافيه راعي حلال يجيه قدامه
عبدالله اللي يـعـرف الضيف وحـقـوقه= عنده يطيح العشاء لو غليّت أقيامه
والــبــن يشــريه لـو انه غلي سـوقه= وبيتاً مشـيـّد لعز الضيف وإكرامه
يامنقع الجود نصف الحال مـســروقه =وعمك بنصف الطريق وحارت أقدامه
نوباً وسيع الطريق ونوب يـاضــوقه =واحترت مابين عــّذاله ولوّامه
وبلشت بالهم والهوجاس واطــروقه =ماغير احسب ليال الوقت وأيامه
لقيت بعض الـعـرب مــاهـي بـماثوقه =اذيابتاً تاكل الرجال بعظامه
شمعه سطع نورها والـيوم مـحـروقه =والمشكل بين خشم الرجل واحزامه
وأسـندت علمي لبو متعب ومـنطوقه =ومني ختمت الكلام وجـفـّـت اقلامه