تحذير شديد اللهجة للشعراء الذين يتهجمون على قبيلة مطير الغالية

المشاركة الأصلية كتبت بواسطة ماني بمن يئتي ولا يدرابه

.مشكور
على هالقصيده
الجزله وماهي غريبه عليك
يالشاعر...الكبير
عبدالرحمن العقيلي......
..

طبيعي تختار لنفسك ها اللقب

لانك بالفعل اتيت وحظورك المشرف ومداخلتم مميزه

تقبل تحياتي

المشاركة الأصلية كتبت بواسطة عبدالرحمن العقيلي

بسم الله الرحمن الرحيم

ترقبو مقالي القادم بمناسبة اللقب الذي اااااطلق علي حديثا(شاعر المعلقات)

من قبل الاعلامي الكبير الاستاذ بن مصاول

راع الردا يحرم من الطيب حرمان = والطيب يااهل الطيب صعبٍ مناله
والادمــي لاحـــس فــالنــفـس نـقصـان = تبــدا عــليـــه نهــايته وانــحـــلالــه
وليــا مــدح نـفــسه علــى غيـر برهـان = وعـد الشــهـود وكـل من مــات قــالـه
مـاكـل مـن يـهـوى الـطرب صــار فنان = ولاكــل مــن قــاتــل يشــرف قــتالـــه
ولاكـل بشــت اشقـر مثل بشـت سلمان = ولاكــل صـــقــار(ن)طـلع مثـل خـالـــه
شــاعر تعــطـل حــجـته كــل الاذهـــان = ويقـــدر يــــواجــه لــــه قبـيله لحــالـه
وشاعـــر يجامــل لــحيــة فــلان وفــلان = في مـوقـف(ن)مـاهـوب موقف جمـالــه
وينــك عن اللي جـر زيـــنات الالــحـان = ولّقـــب مطيـــر الـوافيــه بـالنـذالــه
وانت(هـ)تسمـع كـن مــاعنـد ك لسـان = تبـغـــى تصـــون المعرفــه والزمــالـــه
وش عـاد تسـوى المعـرفه وانـت منهـان = بلـــلسـان خـدش(ن)ما يسـاوي نعالـــه
خـدش(ن)بـداره يشـبع الـذيب سرحـان = وقـت مـضى ماحال الاجـــــوادحــالــه
تخــاف بــكرة مايــلاعــــــبك زعــلان = خــلـــه وتــلقــا لـك خـصـيم(ن)بـدالـه
خــلــه يــولي يـاابـــيض الـوجه لاهـان = وعــن( نـــانسي عجـــرم) تكفي (اصـالـــه)
خلــك مــن اللي فـات واخذ القضا الان = مـاهـي صـعيبـه مثـل شـرب البيالــه
ثـم وررد الحـجــه مثـل طيـر حـــوران = اللي تعلـــى المجـــد والمجــــد نـالــــه
مــانــي علــى ذم الاجــــاويد شفـقان = ولا ريـــد غــير حقــوقــنا والــعدالـــــه
قـــالــو نــذالــه قلت لـه حق جــبان = مــقصــورة(ن)يـوم الــفـعايل حــبالـــه
درعمة(ن)مثل الاخــيره مـن الضــان = حثــالـة(ن) والـلي سـمع لــــه حـثالـــه
الــيا تــردا بومة(ن) قـــال مـــطـران = وان جــا الــردا مــن الغير قالو خــوالــه
ردييـنا في مــعـقل الــغيـر سـلطــان = الطــيب ســـاسـه والـظفـر راس مـالـــه
كريــم مـــادور شـــهاده وعــرفــــان = الـــيا عجـــز غيــره عـن الحمل شـالــه
لـلمــجــد شعــار(ن) ولــلحـــق مــيزان = و الشعــر في وقت الملاقا رسـالـه
ورسـالة(ن)تقــصر عن مطــير بالشـان = في ذمـتـي مــاهــي رســالــه فسـالــه
والـلعب مــع بعـض النـمونه لــيا لان = انت المــعلــم وانــت راس الــشكالـــه
لاشك لـك بالطـيب مظرب وجــدان = والــطيب مــاترضى المــهـونه رجالـــه
اجز الــردي بالـــلوم والطيب باحسـان = اتــرك دقـــاق الهـرج واجلـب جلالـــه
مـطير تبـقـىقا لــلـــوفــا خــير عنــوان = ماهـوب حكـي(ن) كل من ضـاق قـالـــه
وقــفـــاتـنا يشهد لهـــا كــل ميــدان = انشـد صـحاري نــجـــد وانــشد جبالـه
ريف الطـراقي يــوم وقـت الدهر شـان = يــوم ان ولــد الـلاش يكنز ريــــالــــه
لــخصــامــنا زلــزال عــاتـي وبــركان = ولـدخـليـنا فــي (ن) ضــلـيل ضـلالـــه
يــانجــد مــابـك حـزم هالك وضمـيان = سيــوفــنا بــالــدم تــروي رمـــالـــه
الــلــه مــن وقـــت الملاقــا ليــاحــان = في جال ضـلع (ن) يشـتكي الـنار جـالـــه
ســهــوم فــرريس(ن) تــقل وبـل هــتان = منها يســم الخــصــم قبـل اغـتيالــــه
وشــلفا ورمـح(ن) ينغرس بيـن الامتان = و ياخذ طـــريـــقه لــين يطـلع قــبالــه
ومن شيخ قوم امسى له القبر مسكان = تفــرقـــو ربــعـــه وصـــيدر حــلالــــه
عيف المــنام وخيمـت بعده احـــزان = واصـــبح عـــوض راســـه رمادة دلالـــه
لا والـذي تســـجــد لــه الانس والجان = ونســجد لمـــرضــاتــه وعظمة جلالــــه
منــش الخــيال الي سقـى كل الاوطان = والشـمــس مــايحــجب سنــاهـا خيالـه
مـاني عـلى ذم الاجــاويــد شفــقــان = لـكن نــــريـــد حقـــــوقـنا والعدالــــه

القصيدة كتبتها مخصوص لاحد شعراء القبيلة وذلك عقب نهاية احدى محاوراته مع احد الشعراء اتحفظ على اسمه
حيث قام الشاعر الخصم بالتهجم على القبيله بشراسه بالفاظ لا اود التطرق اليها قوبل هذا التهجم بابتسامة الرضا من شاعرنا
الذي لم يكن في احسن حالاته خلال تلك المحاوره حيث لم يقدم أي رد يذكر وهو امر مستغرب
منه كشاعر بهذا الحجم-- ويعلم بان ماذكره ذلك الشاعر لايمت للحقيقه بصله
وبما ان الشعر يعتبر رسالة تحفظ الحق لاصحابه فانني انا كشاعر من بناء قبيلة مطير اطالب بل اطالب
واطالب جميع شعراء القبيله بحفظ حقوق قبيلتهم والتصدي لكل من يحاول
ايذاء القبيله من الشعراء بل من السفهاء الذين يعتقدون بان التهجم على قبيلة
بحجم قبيلة مطير سوف يدخلهم في دائرة الاضواء والشهره اذااااااا
عدم اعطاء الفرصه لاي شاعر يتعدى على القبيله بالكذب والتلفيق الذي يؤذي عقول العقلاء
واحذر كل من يتجراء على مهاجمة القبيله بان الرد سيكون قاسي من ابناءها؟؟

بقلم الشاعر والكاتب/عبدالرحمن العقيلي لمطيري

ــــــــــــــــــــــــــــــــــــــــــــــــــ ـــــــــــــــــــــــــــ

صح السااااااااااااااانك وبيض الله وجهك

صـــــــــــح بدنك ولاهنت


تقبل تحياتي

مطير قبيلة ولها تاريخها المجيد في المضي والحاضر اما من يسبها فهذا يدل على نقص في نفسه قبل قبيلته

صح لسانك أخوي عبدالرحمن العقيلي كفيت ووفيت
قصيدة في القمة من الإبداع صح لسانك مدد بلا عدد

الله يعطيك العافيه ولا يهينك