((نصيحه أبن فطيس ))

أضحك وفل أحجاجك أشفيك محزون = دنياك ماتسـوى وخذهـا نصيحـه
مادام مالك ميت ولا انـت مديـون = أرم الهموم وخل نفسـك مريحـه
لو كانوا أصحابك يضاهون مليـون = نق الكفوا منهم وخـل السطيحـه
ولاتشتكي للناس لو كنت مطعـون = والذم من بعض الخلايـق مديحـه
ولاتنحنـي للهم وتعيـش مغبـون = ترا المريح أهل العقول الصحيحـه
لاصرت صادق قالوا الناس مجنون = مايمدحـون الا النفـوس القبيحـه
خلك صمود بوجه الايـام مـوزون = وماحـرم الله إثــم لاتستبيـحـه
والكبر لو به فايـده فـاد فرعـون = ومن ذاع سره بشـره بالفضيحـه
والله لو يعطون لك مـال قـارون = ماشفت نفسك بالغنـى مستريحـه

صح لسان شاااعرها .. ونعما الحكمه ياابن فطيس ..
ويعطيك العااااافيه ...

أشك بأن تكون هذه الأبيات لابن فطيس وذلك لضعف الألفاظ وركاكتها ولخلوها من الوصف الذي اشتهر به الشاعر في جميع قصائده السابقة

هذه وجهة نظر فقط وشعراء المنتدى أدرى مني في هذه الأمور والله أعلم

صح لسان بن فطيس ولا هنت اخي غنام على نقل القصيده ...وطالت الغيبات أخي غنام عسى المانع خير؟

المشاركة الأصلية كتبت بواسطة درة الموازين

صح لسان شاااعرها .. ونعما الحكمه ياابن فطيس ..
ويعطيك العااااافيه ...

يسعدني مرورك وهلا بيك .

المشاركة الأصلية كتبت بواسطة أبوحمد الدليقاني

أشك بأن تكون هذه الأبيات لابن فطيس وذلك لضعف الألفاظ وركاكتها ولخلوها من الوصف الذي اشتهر به الشاعر في جميع قصائده السابقة

هذه وجهة نظر فقط وشعراء المنتدى أدرى مني في هذه الأمور والله أعلم

أبو أحمد

وعليكم السلام ورحمة الله وبركاته
كان يستوجب عليك رد بأسلوب أفضل وبطريقه دون تهجم ,
والقصيده لاجدال فيها لابن فطيس

أخي راجع حساباتك قبل الخوض بأمور لا تدركها .

وأشكرك على وجهة نظرك .

المشاركة الأصلية كتبت بواسطة أبن مصاول

صح لسان بن فطيس ولا هنت اخي غنام على نقل القصيده ...وطالت الغيبات أخي غنام عسى المانع خير؟

هلا بالغالي أبن مصاول

ويسعدني مرورك الحقيقه ضروف ومشاغل وعسانا نتجمل يالغالي .

صح لسان بن فطيس
ويغطيك العافيه يابو حلا