خالد
ياسلام الله سلام نخص به شيخ العشيره = عقب مازالت خطورة شعر قناص المعاني
المهايط يفضح العربان يامال الستيره = ومن يريد العلم والانصاف ماهذا مكاني
بعيد المناوي
ياهلا يامرحبا يالله عسى في الامر خيره =ياعسى كل العرب ترسي على بر الاماني
يالله أستر لانشب النار ونقود المسيره =يابعارين السباق ويابعارين السواني
خالد
تحتزم دون الجماعه وانت كوره مستديره = ان بغيت اشوتها للشام والا للمحاني
والبلا من هتلر النازي ومن بوش وشويره = يجهلون الشرع والاحكام والسبع المثاني
بعيد المناوي
نحمل السيف الصقيل ولانرده في جفيره=وان عطاك الله ياوجه الخير انا ربي عطاني
وكان طولت الدعاوي رحت وعظامك كسيره=نوباً اعلومك اضعاف ونوباً اعلومك سماني
خالد
اه ياقلبي ليا غنت على المسرح سميره = ودندن العود ورقص مسعود ياداني لاداني
انت في عج الرمك ماتنطح الخيل المغيره = وكان قلبك دق يعني عمرك ايام وثواني
بعيد المناوي
الطرب ماهو لنا والعلم هذا هات غيره=وش اسوي في غشيم القوم لامنه بلاني
كان راجعت المطوع ممكن انك تستشيره=ترتفع خمسه متر ماتصل سهيل اليماني
خالد
مانضحي بالنطيحه والرديه والضريره = ولايفيد الساحلي ترهيم ثم يصبح عماني
لايجينا واحدن من دون عقل ولابصيره = يابعيد العب مع الورعان وارم الطرطعاني
بعيد المناوي
المريض اللي يهز الرأس ماغادر سريره=من يوديه الطريق اللي يودي لحلباني
ماني بمثلك برضاعه وتاكلك فطيره=تنتبه لسبيستون وتلتوي كالخيزراني
غير متواجد حالياً
رد: ياسلام الله سلام نخص به شيخ العشيره
