" صرف الحروف "

قصيدة الشاعر كلامٍ يدينه=ما بين جزل العلم والا رديّه
بحْدود دينه قال زينه وشينه=الزين له حسنات والشين سيّه
واليا ظْهرت للناس تبقى رهينه=للّي يقيس الصايبه والخطيّه
ان قال زين اقول خلك يمينه=خاوه ترى دْروبٍه عزاز ونقيّه
وان كان ما ردّه عن الشين دينه=خله ويلقى له مع الدرب زيّه
يا ماكْثر الشعار لا قيل وينه=الشاعر الفارس نقز فوق ميّه
واليا بدا صرف الحروف الثمينه=يظهر من المية ثلاثة غنيّه
واكثر من الشعار متْناقلينه=واكْثرهم الغاوي يشجع خويّه
وْيا قلّهم لا قلت متْذوقينه=وْيستاهلون لكل واحد تحيّه
كلٍّ على ما قيل عقله عوينه=من وين ما ودّاه يلقى حليّه
احد عيونه تصرفه للسمينه=يتعب لها ما بين روحه وجيّه
واحد عن الهزلات ما ردّ عينه=يفرح بها ويحطها له مطيّه
والشعر كله صيد يا قايلينه=والصيد له قناص وبوارديّه
اللي قريّب تمسكه له يدينه=واللي بعيد تْجيبه البندقيّه
واللي من الثنتين يفلس غبينه=يرجع على الجايد ليا فات نيّه

‘‘‘‘‘صــــــح‘‘‘لسانك‘‘‘‘‘‘

صح لسانك أخي عبدالعزيز وقصيدة من الطراز الفاخر بدون أي مجاملات , وما أكثر المستشعرين الذي أساؤا لأنفسهم ثم للذوق العام بنشر كتابات وخربشات يسمونها قصائدضمنياً والشعر منها براء كبراءة الذئب من دم أبن يعقوب..

لاهم رحموا أنفسهم ولا هم رحمونا فوالله إن كثير من مدعيي الشعر الآن لا تستحي كما يقول المثل :أن تصفعه.

شاعر يجري ولا يجرى معه، وشاعر يخوض وسط المعمعة، وشاعر لا تشتهي أن تسمعه، وشاعر لا تستحي أن تصفعه

والشعر كله صيد يا قايلينه=والصيد له قناص وبوارديّه
اللي قريّب تمسكه له يدينه=واللي بعيد تْجيبه البندقيّه
واللي من الثنتين يفلس غبينه=يرجع على الجايد ليا فات نيّه

لله درك ياعبدالعزيز الشاطري على التحفه المرصعه بالابداع والتفوق الشعري
صح لسانك ملايين على هالجزله
.
تحيتي لك يااستاذ
.

صح لسانك وعتلى شانك اخوي عبد العزيز

قصيد ه من الطراز الفاخر لاهنت

تحياتي لك

صح لسانك على القصيده

صح لسانك اخوي عبدالعزيز الشاطري