لو قاطعوك اعيال عم وجماعه

هاذي عليها يدرس الورع تدريـس

تطبع بقلبه من صغرتـه اطباعـه

صح لسانك وبيض الله وجهك
تقبل ودي قبل ردي

صح لسانك يابو حسين لو تكلمت عن القصيدة لن اوفيها حقها . القصيدة جزله وشاعرها جزل كما عودنا دائما بالجزل. ماقول غير مافيك حيله يابو حسين . الله يبيض وجهك مبدع بكل المقاييس الف شكر لك

المشاركة الأصلية كتبت بواسطة علي حميدان الدجيما

قالو تهوجس قلت كلي هواجيس=يلعبي الهوجاس في كل ساعه
اغيب غيبة مبعدين المراميس=غيبة فكر ماهي بغيبة قطاعه
تسرح بي الافكار ماهي كوابيس=ومما يدور الراس زايد اصداعه
مومن بربي وتعوذ من ابليس=وعندي علا مايكتب الله قناعه
ماني مهوجس في علوم(ن)دنافيس=يومن بعض الناس فكره ضياعه
انا هواجيسي بحب النواميس=اللي لها كلآ يشمر ذراعه
ثلاث فيها افكار عقلي محابيس=الدين ويمين الكرم والشجاعه
هاذي عليها يدرس الورع تدريس=تطبع بقلبه من صغرته اطباعه
يكبر ومعها يكرس الجهد تكريس=ويحبها حب البدو لطماعه
وعزي لقوم (ن )من حداهن مفاليس=معاد فيهم يشهدالله شفاعه
شابت لحاهم معرفوا قصة اغليس=ماهمهم كود الحسد والقطاعه
ويحسين لايدخلك بعض الوساويس=نقص الرجوله نفس نقص المناعه
اطلع مطاليع الحرار القرانيس=حرآ تنومس هدته واندفاعه
من دون حقك خل جيشك كراديس=ميزان حق ولايجيك انهزاعه
وحذر مرافقة الضعوف الجواسيس=لوا قاطعوك اعيال عم وجماعه
والبيت مايبنا على غير تاسيس=لصار ماسيس بسيط انقلاعه
خل الخشونه عندك اعلا المقاييس=تراك في وقت الترف والمياعه
رجال فعله يرفعه فوق تقديس= ورجال ينزل تحت ماطا كراعه

صح لسانك يابو حسين ودايم مبدع بعرك
وخلاقك العاليه

ونشالله حسين يمسك الوصيه

تقبل ودي واحترامي

ابوحسين ما شاالله علي ها القصيده هاذي معلقه صح السا نك تقبل مروري مني كل الشكروالحترام

شويهينه مرورك يزيدني شرف

الخيال لك من كل الحب والتقدير

بدر المينيح كلامك وسام ولك تحياتي

ولد الدويله وابو ركان مروركم شرف وكلامكم وسام على صدري

وانتم سر ابداعي ولكم مني تحيه طيبه

المينيح الله يعطيك العافيه على هالكلام الجميل

الذي يزيدني شرف وانني ابادلك الود والاحترام

حاولت اقتبس بعض الابيات ولكن لم اجد ما أقتبسه لان القصيده بحد ذاتها معلقه لا يمكن ان اخذ منها بيتا عن الثاني .
فانت شاعر تكتب المعلقات الف شكر يابو حسين ..

ابو نافع عسانا نكون وصلنا لربع ماوصلت اليه من الشعر الحقيقي

وانت استاذ يابو نافع


لك تحياتي وتقديري

الله يعطيك العافيه الطويل على هالكلام

والشهاده التي تشرفني

وانت اخ عزيز