بين العتيبي والمطيري تعاجيب

عربون محبه ووفاء من الشاعر/ فهّاد بن عايض بن عمير الميموني المطيري ..
بمناسبة تسمية ابن اخيه (فيحان بن فهد بن عمير الميموني)


على الأمير / فيحـان بن ناصـر بن جعـيـلان الحـآفي .. وقد اهداهـ هَذِهـ القصيدهـ

يامرحبـا ترحيبـةٍ ريحهـا طيـب=واحلى من السكـر لذيـذٍ طعمهـا
الله يحيـي ربعنـا والأصاحـيـب=وكل الحضور ضيوفنـا وانخدمهـا
ليلة فـرح فيهـا نزيـد التراحيـب=حيّ الرجـال بحلّـة اللـي عزمهـا
فهد ولـد مـرزوق راع المواجيـب=رجله على الطولات يتعـب قدمهـا
معصبٍ راسه على الطيب تعصيـب =يتبـع دروب المرجلـة واغتنمهـا
ولا شحّ بالدينار والقـرش بالجيـب=ونفسه تحبّ اهل الكرم من كرمهـا
واكبر دليل بموقف النبـل والطيـب=بين الرجال اللـي رفيعـه اشيمهـا
بين العتيبي والمطيـري تعاجيـب="سمّى الولد فيحـان والله قسمهـا"
سمى على (فيحان) حـرّ المراقيـب =فيحان مـن قـومٍ قويـه اهممهـا
فيحان من رؤؤس الرماه المعاطيب =عتبان يوم الحرب حامـي وحمهـا
قدام لا تصفـي بنجـد المشاريـب =والرؤوس ضرما والمعارك ضرمهـا
يشهد لهم بفعولهـم جايـع الذيـب =كم سابـقٍ خلّـوه يفـرس لحمهـا
يروون حـد المرهفـات المحاديـب=وكـلٍ شهـد بفعولهـم واعتلمهـا
أهل المهار ومتعبت شمّـخ النيـب =قطعانهم فـي نجـد محـدٍ دحمهـا
لطامة العايل عـن الشـك والريـب=وذباحـة الحايـل وهـذا سهمهـا
وفيحان ذكره شاع بيـن الاجانيـب=وأغلا الجوايـز باليديـن استلمهـا
هدّاج تيمـا فـي ليـال الملاهيـب=يسقي الكبود اللي ظماهـا زحمهـا
هو فزعة اللي صك دونـه لواليـب =ومن دونه البيبـان جـوّد لجمهـا
ومن شان مخلد ماعتذر عنه بصعيب=مسـك مفاتيـح القفـول وبرمهـا
وهانت على الطيّب اكبار المطاليـب=اللـي تعـلا حصنهـا واقتحمـهـا
يوم الردي يمناه تقصر عن الطيـب=وعزي لمن نفسه تمـوت بوهمهـا
لا حاش طيب ولا تدرى عن العيـب=واخير من طيلـة حياتـه عدمهـا
والحر كسبه من طـوال المخاليـب=والبوم بـوم ولاتنومـس اغممهـا
وعفواً عن التقصير ياهل المواجيب=اهـل العقـول النيّـره نحترمـهـا
ولا كل من يرمي للاهداف بيصيـب=ولا كل سبـاح البحـور ايغشمهـا
ومـا قـل دلّ وللمعانـي تراكيـب=واختامها بازكـى صـلاه انختمهـا
على النبي اعـداد خـط المكاتيـب=اللي نصح كل العرب مـع عجمهـا

م ن

منقول رائع اختي شقراء وقصيدة جزلة من الميموني ويستاهل العتيبي هذه القصيدة والتسمية بأسمه..ومطير وعتيبه كيان واحد لا يفترقان مهما تلاعب بهذا الأمر بعض ناقصي العقول

سلمتي اختى شقراء ابيات جزله فى معانيها

ويستاهل فيحان الحافي ان يسمى عليه شبل من اشبال امطير،،

دمتى

صح لسان الشاعر / فهاد الميموني
ويستاهل الشيخ / فيحان
ومشكوره اختي شقراء على نقلها
.

فعلا عربون محبه ووفاء دائما المطيري والعتيبي اسمان لايفترقان شكرا لك
اختي شقراء على منقولك المميز
دمتي بخير

يعطيك العافيه أخت شقراء على نقل هذه القصيده

صح لسان كاتبها

قصيده من العيار الثقيل . أتسمت على أبياتها قوة المعنى

والقبائل بما فيها قبيلة عتيبه لا يخفى على الجميع فعلها . .

تقبلي مرور

أخوك : أبو سلطان

فعلا مثل ماقال أخوي ابن مصاول وبقية الاخوان جسور الحب والاحترام قائمه بين مطير وعتيبه من قديم الزمان
والقصيده جزله وقويه تحمل الكثير من المعاني والدلالات

مشكوووره أخت شقراء على نقلها لنا وماشاء الله ذوقك رفيع وراقي يعطيك العافيه

يعطيك الف عافيه

تقديري لك