الدويلة؟؟

السلام عليكم ورحمة الله وبركاته :

تحيه لدويلة بالبدايـــــــــــــــــــــــــة = من العنبر و ورد أجمل ولايـــــــه
على وجه البسيطة هي الأجمل = لها من صاحب القدرة حمايه
مشاهدها أماني كل مسلم = وممشى فوق أراضيها منايه
من أغلى قبلتن لغلا قبيلــــــة = هي أحلامي وهي لذة هوايه
حمـــــــــــادين لهم مجد قمه = ولهم بالجود وأمـــــجاده بنايه
أبكتب عن أسود الأرض نبذه = حسب عرفي وفكري وأحتويه
فعايلهم على كل الفعايل = مع التاريخ للكاتب روايه
حمـــادين فعايلهم عظيمه = لهم بأعلى شموخ العز رايه
سلاطين الفخر هم معجزاته = سيوف العدل نبراس الهدايه
قبل حكم سعود أخوان نـــوره = شموع الشرع لأحكامه رعايه
رواسي نجد حكام الجزيره = كــــــــــواكبها دليل لكل تايه
زمان الشيخ له قدر ومهابه = ورعيان الغنم عباد ثايه
على دور الرشيد بعز حكمه = خذوا منه المعقل بعتلايه
رعوا بحمايه ماخافوا جموعه = وتصادوله بميدان الرمايه
وفي ساحة حريقه ضد شمر = بيوم قال به صدعان رايه
ضرب درب لعيون لابه = وخلا الضد لأقدامه وقايه
ونادى عقوب خيال العشاير = تبي تالي السلف ولا البدايه
قال عقوب ياحمر النواظر = أنا قدامكم وأنتم ورايه
أوردا للخطرو رد الضوامي = وعيدان القنى خاطوف طايه
ودخيل العق من غير الدويله = وقف دونه وهو بأشنع حكايه
جــريمه تعتبر وأكبر جريمه = مثل ماينقص القرآن بأيــــــه
عمود البيت في سلم القبايل = ليا من طاح موضوعه جنايه
مومن ينذر على أضد ووفابه = ياكود أهل الفخر ماهي دعايه
يعزون القصير ويكرمونه = وريف الضيف من رغبه وغايه
وخوي الذيب ابن جمهور شاهد = ذبح دونه أثنين من أقربايه
وفعايل لابتي يصعب عددها = كثير وأعتذر بس النهايه
أنا مغرم بهم من طيب ربعي = مصابيح الدجى لأظلم سمايه

لااحد شعراء الحمادين

صح لسان شاعرها وبيض الله وجهه

ويعطيك الف عافيه ولد الدويله على منقولك الطيب

صح لسانه والله ونعم بالحمادين

حمـــادين فعايلهم عظيمه = لهم بأعلى شموخ العز رايه
سلاطين الفخر هم معجزاته = سيوف العدل نبراس الهدايه

صح لسانه وأشهد انهم يقولون ويفعلون

هناك أحرف ناقصة في القصيدة مما قلل من قوة القصيدة نرجو إعادة كتابتها من جديد حتى لا يهضم حق القصيدة , فالقصيدة جزلة

صح لسانه والله وتستاهل الف شكر