السلام عليكم ورحمة الله وبركاته
من جديدي قصيدة وجهتها الى الشاعر الكبير / دخيل الله بن فاطم الميموني
محمد ماجد
سلام الله على شاعر سليطه وفكره حبك=ما هو بي شاعر يشبه يوم يحبكها
احب اسمع بيوته ياعرب ما دام كله سبك=تهيضني بيوته وانبسط لقام يسبكها
ألا يالشاعر الفلتا ترى القيفان تاترهبك=لكن ابرك وشل حملتك والاولى ما نتركها
اخذ مني خبر عاجل تراي امحاك انا واكتبك=ليا مني بغيت اشعارك اربطها وفككها
ما هو والله غروراً مير ابا برك فوق اركبك=يالين اتشل ما شالت جمالاَ من مباركها
مثل ما احسب من الشعار يالشاعر تراي احسبك=لكن شفلك طريقه مدرجه في يديك وافركها
ترى الاوضاع يمكن يادخيل الله ترى تنكبك=اعرف ان الدروب العاصيه يالذيب تسلكها
ياطيب الهاجس الي لا بدا يا صاحبي يتعبك=يحدك يا ابن فاطم والمشاعر فيك يربكها
تراي العب بعمق بكل بيت والازم اعذبك=وبا بهذلك انا يالشاعر الي دوم لك نكها
لحالك بالشعر ما لك مثيل ولا احد يقربك=مغير أمحمد الي لا لعب بالفكر يككها
تحياتي يابن فاطم ولا تنسى تذك ارنبك=ليا جتك الشيوخ الي موثقةً معاركها
دخيل الله فاطم
هلا يامرحبا ترحيبةً تعجبك ما تعجبك=ما هو شغلي تحرك هاجسي ولا يحركها
انا مدري وش الي يامحمد بالصعب منشبك=تعسرني وانا شاعر هوجسه ما تشربكها
انا برى الشعر لو كان تضربني ماني ضربك=اقول العيش والملح القلوب الابيض يملكها
لكن بالشعر لا بالله طاروقي يبا يدبك=نصحه شوفلك طرقه عن الجلاد وسلكها
انا شاعر عنيف الله يرحم ياولد شايبك=ولا اتخلين ازعل جما هيرك واضحكها
على نار القصايد يا ابن ماجد ما ابي اشلهبك=انا اعطيك النصيحه يا محمد وانت تتركها
ولو جن الشعر تحت امري ايحضرك ويغيبك=لكن اعصابك اليا شفتني حول تملكها
اذا ودك تبركني وانا الجلاد انا طالبك=ليا شفت الجمال اتهدر لا تحاول تبركها
خويي وابن عمي وانت كاسبني وانا كاسبك=ويجمعنا المصير ولقمة العيش انتشاركها
ولا كن كل ما ثارة جنوني شعر ابا احاسبك=وانا احسابي تعرفه وانت زلاتك تدركها
وانا العب مثل ما تلعب تلاعبني وانا الاعبك=وهذي عندي احسن واسعد الحزات وابركها
و