المساجله الثانيه مع الشاعر شبل عصيم العوني والشاعر محمد ماجدالميزاني

السلام عليكم ورحمة الله وبركاته
اليكم المساجله الثانيه من بري الشعر مع الشاعر شبل بن عصيم الميزاني والشاعر محمد بن ماجد الميزاني
لعلها تنول على اعجابكم

قصيدة الشاعر محمد بن ماجد الميزاني

انا الشاعر الي لا تحديت شاعر حير=ماتحرجني ابيوت القصيده وانا احرجها
انا الشاعر الصيه وانا الشاعر ابن مطير=وانا الشاعر الي لا بغاها يدبلجها
جزال القوافي ما تجي غير لك تصخير=تجيك القصيده دبلجه ما نعرجها
نعم لا بغيت الشعر ما كادني تعبير=ابرسم واحط امعادله وانت ناتجها
اعرفك من الشعار شاعر وشعرك غير=لكن ياشبل فسر بيوتي ونهجها
بقول الك ما لا قالو اهل الشعر وتحير=وحيرك انا بمعادلة شعر مدرجها
توكل على الله ياشبل لك بدا التصوير=ورى بنت ابوها ما تشرط وتحرجها
غدة كنها السبحه بصابع يدين الغير=تورح السباح وفايدتها لمنتجها
اقول الك مير انت أنت ياميت التفكير=ما تسمع كلامي والزراعه ماتنتجها
ياكثر الكلام الي تقوله لكن ما يصير=وياكم من اصيله من اصالتك تسرجها
اتدور عليك اطيور ويتابعك كم طير=بوسط البلاد الي ماتجهل مناهجها
ياذيب الجروح الي تمنى سنام ابعير=قبل لا تمنى اجروح يديك عالجها
ياشبل الاصاله من محمد خذ التقرير=بتبطي عظم وتموت منته مهرجها
يقوله صحيباً بين الاصحاب راعي خير=لكن فكر ابمدخالها قبل مخرجها

قصيدة ورد الشاعر شبل بن عصيم شاعر الغربه

بسمي عشر مرات واربع مية تكبير=حتى الجن تسلم والشياطين اهججها
عسى خير يالي جيتنا من شمال امغير=على وين رجلك يابن ماجد مدرجها
نقاشك يذكرني ابعبدالله ابن حمير=يثير الجدل لين اكثر الناس يزعجها
وياكليب ما يحتاج توصي لخوك الزير=يوماً ارقبتك لرمح جساس عايجها
انا استاذ متخرج وانا فالحياه اصغير=ومن جامعتنا كم عالم نخرجها
وانا ارد بحر لا وردوها غدير وبير=بحوراً ليا جات الضوامي تبرهجها
وانا اتعب ابني البيت واحرص على التعمير=واركب له ابواباً قويه مزالجها
واعرف الذهب يفرق بشكله عن القصدير=وانا اعرف صاح الناس واعرف مرججها
وانا عشقتي لو دونها المنع والتحذير=اجيها على وضح النقاء واتزوجها
وانا احب مبدا الرجم وقت الضحى وعصير=بسبة هموماً دايم الروح تسهجها
لولاي اتسلا فجرت داخلي تفجير=هموماً عسى رب البريه يفرجها
ولك يامحمد مني الشكر والتقدير=وابوصيك نفسك قدم لا تموت حججها

صح السان شاعر الغربه الشاعر شبل بن عصيم العوني

تقبلو تحاتي وتحيات شاعر الغربه ترقبو

صح السنتم يا أبو ماجد ويا شبل عصيم على هذه المساجلة الرائعه وننتظر جديدكما

المشاركة الأصلية كتبت بواسطة أبن مصاول

صح السنتم يا أبو ماجد ويا شبل عصيم على هذه المساجلة الرائعه وننتظر جديدكما

صح بدنك وابشر بالجديد انشاء الله تحياتي لك

لاهنت يابن مصاول ولاهان ابوماجد

الله يسلمك يابو عصيم تحياتي لك

-
صح السنتكم ياشعااار ع هالمساااجله ولا هنتووو....

صح السنتكم يابو ماجد وياشبل و نتظر جديدكم

صح بدنك الذيب ومرور رائع

صح السنتكم والله يعطيكم العافيه

المشاركة الأصلية كتبت بواسطة همسً

-
صح السنتكم ياشعااار ع هالمساااجله ولا هنتووو....

صح بدنك اختي حمس تحياتي لك